مەملەكەتتىك ءبىلىم گرانتتارىنىڭ سانى ارتادى

2017-2018 وقۋ جىلىندا مەملەكەتتىك ءبىلىم گرانتتارىنىڭ سانى ارتادى. بۇل تۋرالى قر ءبىلىم جانە عىلىم مينيسترلىگى مالىمدەدى دەپ حابارلايدى قازينفورم. 

سوڭعى 5 جىلدا جوعارعى وقۋ ورىندارىنا ارنالعان مەملەكەتتىك ءبىلىم گرانتتارىنىڭ  سانى ارتىپ وتىر. سونىمەن باكالاۆر دەڭگەيىنە ارنالعان گرانتتار سانى وتكەن جىلمەن سالىستىرعاندا 6 مىڭ ورىنعا ءوسىپ، 37 مىڭ 932-ءنى قۇراسا، ماگيستر دەڭگەيىنە بيىل 10 004 ءبىلىم گرانتى بولىنەدى. بۇل وتكەن جىلعى كورسەتكىشتەن 2 مىڭ 500 ورىنعا ارتىق. PhD-دوكتورانتۋراعا تۇسۋگە ۇمىتكەر ازاماتتارعا ارنالعان ءبىلىم گرانتتارى 2 ەسەگە ۇلعايىپ، 1 مىڭ 285-كە جەتەدى.

ءبىلىم گرانتتارىنىڭ باسىم كوپشىلىگى پەداگوگيكالىق، الەۋمەتتىك، تەحنيكالىق ماماندىقتارعا بەرىلەدى.

“The Qazaq Times”