فوتو: prokuror.gov.kz

13 شىلدەدەن باستاپ قازاقستانداعى مەملەكەتتىك ورگانداردى تەكسەرۋ بىرنەشە ەسەگە قىسقارادى. «پروكۋراتۋرا تۋرالى» جاڭا زاڭناماعا سايكەس، ەندى مەملەكەتتىك ورگانداردى تەكسەرۋ تەك پرەزيدەنتتىڭ نە باس پروكۋروردىڭ بۇيرىعىمەن جۇرگىزىلەدى.

جاڭا زاڭنىڭ ەرەجەسىندە پروكۋراتۋرا اتالعان بۇيرىق بەرىلمەستەن-اق، تەكسەرىس جۇرگىزە الاتىن 3 جاعداي بەلگىلەنگەن:

  • ءوز-ءوزىن قورعاۋعا قابىلەتسىز توپ: جەتىم بالالار، مۇگەدەك بالالار مەنI, II توپقا جاتاتىن مۇمكىندىگى شەكتەۋلى جاندار جانە ەڭبەككە جارامسىز ازاماتتار
  • ادامنىڭ ءومىرى مەن دەنساۋلىعىنا قاۋىپ تونگەن كەزدەردە
  • وقيعانىڭ سالدارى قانشا ادامعا زارداپ اكەلەتىندىگىن بولجاۋ مۇمكىن بولماعاندا

بۇرىندارى پروكۋراتۋرا وزىنە كەلىپ تۇسكەن ءوتىنىش-شاعىمداردى تۇگەل قارايتىن بولسا، ەندى ازاماتتار ءبىرىنشى ارنايى مەملەكەتتىك ورگاندارعا جۇگىنۋى كەرەك. ەگەر ولاردىڭ اتالعان ماسەلەنى شەشۋ بويىنشا ارەكەتتەرىنە كوڭىلى تولماسا، وندا سوتقا شاعىم تۇسىرەدى.

“The Qazaq Times”