گارري كاسپاروۆ ۇلكەن شاحماتقا قايتا ورالدى

Grand Chess Tour شاحمات سەرياسىنىڭ ۇيىمداستىرۋشىلارى سەنت-لۋيستە شاحمات پەن بليتس بويىنشا وتەتىن تۋرنيرگە الەمنىڭ 13-چەمپيونى گارري كاسپاروۆ قاتىساتىنىن حابارلادى. 2005 جىلى شاحماتتان كەتكەن ول ارنايى وسى تۋرنير ءۇشىن ءوزىنىڭ سپورتتىق كارەراسىن قايتا جاڭعىرتپاق.

ۇلكەن سپورتتى تاستاعالى تەك شاحماتتان كورسەتىلىم  ويىندارىندا عانا ونەر كورسەتىپ كەلگەن گارري كاسپاروۆ 2010 جىلعا دەيىن سوڭعى ونجىلدىقتاعى ەڭ ۇزدىك گروسسمەيستەر اتانعان نورۆەگيالىق ماگنۋس كارلسەننىڭ جەكە جاتتىقتىرۋشىسى بولدى.

تۋرنيردە بەرىلگەن ءتورت wild-card-تىڭ ءبىرى گارري كاسپاروۆقا، قالعان ۇشەۋى شاحمات رەيتينگىندە ەكىنشى ورىندا تۇرعان حيكارۋ ناكامۋرا،  سونداي-اق سەرگەي كارياكين مەن  ۆيشۆاناتان اناند-قا تابىستالدى.

گارري كاسپاروۆ 1985 جىلى تاريحي جەكپە-جەكتە اناتولي كارپوۆتى جەڭىپ، شاحماتتان الەم چەمپيونات اتانعان ەدى. ونىڭ 1999 جىلى ورناتقان 2851 باللدى قۇرايتىن رەكوردتى رەيتينگىن 2013 جىلى ءوز شاكىرتى ماگنۋس كارلسەن عانا جاڭارتا الدى.

“The Qazaq Times”