فوتو: سالون.سۋ.

اقش-تا 14 جاسار اۋەسقوي پروگرامميست ديۋپلەسسيس زاعيپ جاندارعا ارنالعان كىر جۋعىش ماشينا ويلاپ تاپتى.

جاس ونەرتاپقىشتى زاماناۋي تەحنيكا تۇرلەرىنىڭ مۇمكىندىگى شەكتەۋلى جانداردىڭ قاجەتتىلىكتەرىن ەسكەرمەي جاسالاتىندىعى قىنجىلتقان. داۋىس ارقىلى باسقارىلاتىن "Talking Laundry" دەپ اتالاتىن كىر جۋعىش ماشيناسى العاشقى سىناما ءۇشىن كەنتۋككيدەگى زاعيپ جاندارعا ارنالعان ارنايى مەكتەپكە بەرىلدى.

قازىر يدەيا اۆتورى قولدانىستا انىقتالعان كەمشىلىكتەردى تۇزەتىپ، ونەرتابىسىن جان-جاقتى جەتىلدىرىپ جاتىر. تۇتىنۋشىلار قۇرىلعىعا قوسۋدى سۇراعان جاڭا فۋنكتسيالاردىڭ ءبىرى - داۋىس ارقىلى كىر جۋ پروتسەسىنىڭ اياقتالۋىنا قانشا ۋاقىت قالعانى تۋرالى ساۋالعا جاۋاپ الۋعا مۇمكىندىك بەرەتىن ءمازىر.

مۇمكىندىگى شەكتەۋلى جاندارعا ارنالعان تيپوگرافيانىڭ تەحنولوگيالىق ونىمدەر بويىنشا باسشىسى لارري سكۋتچان: "بۇگىندە جاڭا تەحنولوگيالاردىڭ كوبى زاعيپ جانداردىڭ ءومىرىن جەڭىلدەتۋگە باعىتتالماعان. سوندىقتان  ولار ءالى دە وزگە ادامداردىڭ كومەگىنە مۇقتاج بولىپ قالا بەرەدى. ديۋپلەسسيستىڭ ەڭبەگى جالپىحالىقتىق قولدانىسقا ەنسە، جانارسىز قالعان كوپ ادامنىڭ تۇرمىسى جاقسارا تۇسەر ەدى", - دەدى.

“The Qazaq Times”