اقش پەن قىتاي اراسى بارعان سايىن سالقىنداپ بارادى

اقش ۇكىمەتى بۇگىن حابارلاما جاريالاپ، قىتايدىڭ «داندوڭ» (Bank of Dandong) اتتى بانكى سولتۇستىك كورەيانىڭ قارۋ-جاراق كومپانيالارىن قارجىلىق جاقتان قولداعانىن ايىپتادى. سونىمەن بىرگە اتالعان بانكتى اقش قارجى جۇيەسىنەن اجىراتىپ تاستاۋدى جوسپارلاپ وتىرعانىن مالىمدەدى. بۇل تۋرالى «The Wall Street Journal» باسىلىمى حابارلاپ وتىر.

اقش قازىنا دەپارتامەنتىنىڭ رەسمي حاتشىسى ستيۆەن منۋچين مالىمدەمەسىندە اقۇيدىڭ جاڭا سانكتسيالار جاريالاعانىن اتاپ ءوتتى. اقش ۇكىمەتى سولتۇستىك كورەيانىڭ قارۋ-جاراق كومپانيالارىنا قاتىستى بارلىق بانكتەر مەن كاسىپورىندارعا سانكتسيانى تۇراقتى ساقتاپ وتىرماق.

قىتاي جاعى اقش-تىڭ ءبىر جاقتى سانكتسياسىنا نارازىلىعىن ءبىلدىردى. بۇل سانكتسيادان كەيىن Dandong بانكتەرىنىڭ اقش-تاعى جانە سول ەلدىڭ قارجى جۇيەسىنە بايلانىستى وزگە ەلدەردەگى كومپانيالارمەن جۇمىسى تىكەلەي نەمەسە جانامالاي توقتاتىلماق. جۋرناليستەردىڭ ىشكەرىلەي سۇراعان سۇراقتارىنا اقش قارجى دەپارتامەنتى جاۋاپ بەرمەگەن. قاتىستى ادامداردىڭ بەرگەن مالىمەتىنە سۇيەنسەك، سانكتسيا تىزىمىندە ەكى قىتاي ازاماتى جانە قىتايلىق ەكى كەمە جاساۋشى كومپانيا دا بار.

سوڭعى كەزدە اقش ۇكىمەتى مەن قىتاي اراسىنداعى قارىم-قاتىناسقا سىزاتتار تۇسۋدە. اقش-تىڭ قىسىمى ارتقان سايىن قىتاي سولتۇستىك كورەيانى جاقتاپ شىعۋ مۇمكىندىگى كۇشەيە تۇسپەك.

“The Qazaq Times”