اقش تەڭىز جانە اۋە كۇشتەرى سۇرياعا شابۋىل جاساۋ بۇيرىعىن عانا كۇتىپ تۇر

رەسەي مەملەكەتتىك دۋماسىنىڭ حالىقارالىق ىستەر جونىندەگى كوميتەتى اقش-تىڭ ءسۇريا ماڭىنداعى اسكەري كەمەلەرى مەن ۇشاقتارى سوعىسقا دايىن كۇيدە تۇرعانىن مالىمدەدى. اتالعان كوميتەتتىڭ حابارىنا قاراعاندا اقش بارلىق دايىندىقتاردى جاساپ، ءسۇريا رەجيمىنەن سوعىسۋدىڭ سىلتاۋىن ىزدەپ وتىر. بۇل تۋرالى «پارس» اقپارات اگەنتتىگى حابارلايدى.

حالىقارالىق ىستەر جونىندەگى كوميتەتتىڭ مەڭگەرۋشىسى الەكسەي پۋشكوۆتىڭ جازباشا مالىمدەمەسىندە: «امەريكا ءوزىنىڭ تەڭىز جانە اۋە كۇشتەرىن دايىن جاعدايعا كەلتىرىپ، تەك سوعىستىڭ سىلتاۋىن ىزدەپ عانا وتىر. الايدا ءسۇريا باسشىسى باشار اساد ولاردىڭ دەگەنىن تاۋىپ بەرە قويماس»، – دەدى. مالىمەتتەن بەلگىلى بولعانداي اقش-تىڭ ورتا شىعىستاعى اۋە جانە تەڭىز كۇشتەرى سۇرياعا تيەسىلى اۋە بازالارىن بومبىلاۋعا ءازىر كۇيدە بۇيرىق كۇتىپ تۇر.

ءساۋىر ايىندا اقش-تىڭ ورتا شىعىستاعى تەڭىز كۇشتەرىنىڭ سوعىس كەمەسىنەن اتىلعان قاناتتى زىمىران ءسۇريانىڭ اش-شەيرات اۋە بازاسىنا كەلىپ تۇسكەن بولاتى. اقش تارابى ءسۇريا بيلىگى تاعىدا حيميالىق شابۋىل جاساعالى وتىر دەگەن اقپارات تاراتقان بولاتىن.

“The Qazaq Times”