تۇركيا اقپارات قۇرالدارىنىڭ حابارىنا قاراعاندا، يزرايل ازاماتتارى قارۋلى كۇشتەردىڭ قولداۋىندا باتىس شەريا جەرىندەگى پالەستينالىقتاردىڭ ءبىر اۋىلىن باسىپ العان. جەرگىلىكتى تۇرعىندار اراسىندا قاقتىعىس ورىن الىپ، ءتورت پالەستينالىق جاراقات العان. قازا بولعاندار تۋرالى مالىمەتتەر جوق. بۇل تۋرالى «تۇرىك تەلە-راديو» قىزمەتى حابارلادى.

پالەستينا ۇكىمەتىنىڭ لاۋازىمدىسى گاسسان داعلاس جاساعان ماىلمدەمەدە، ەۆرەي ازاماتتارى توپتاسىپ، باتىس شەرياداعى ۋريف اۋدانىندا ءبىر ەلدى مەكەندى باسىپ العانى ءارى ولارعا يزرايل قارۋلى كۇشتەرى قولداۋ كورسەتتى دەلىنگەن. مالىمدەمەدە، يزرايل قارۋلى اسكەرلەرى ءۇش ادامدى اتىپ جارالاعانى دا ايتىلادى.

وسىمەن قاتار يزرايل اۋە كۇشتەرى گازا وڭىرىندەگى حاماس كۇشتەرىنە قاراستى ەكى بەكىنىستى تالقانداعان. يزرايل تارابى بۇل شابۋىل تۋرالى رەسمي مالىمدەمە جاساماعان.

"The Qazaq Times"