دۋشانبە قالاسى. فوتو: ASIA-Plus.

تاجىكستانداعى اقش ەلشىلىگى ءوزىنىڭ ۆەب-سايتىندا سول ەلدەگى اقش ازاماتتارىنىڭ لاڭكەستىك شابۋىلعا ۇشىراۋى مۇمكىن ەكەنىن ەسكەرتتى. مالىمدەمەدە كوپتەن بەرى تاجىكستانداعى تەررورلىق توپتار لاڭكەستىك شابۋىل جاساماعانىمەن، تەكسەرۋ ناتيجەسىنە قاراعاندا الداعى التى ايدا ولاردىڭ ارەكەت جاساۋى جيىلەۋى مۇمكىن ەكەنى ايتىلعان. بۇل تۋرالى «پارس.اقپارات» اگەنتتىگىنىڭ رەسمي سايتى حابارلاپ وتىر.

اقش-تىڭ دۋشانبە قالاسىندا تۇراتىن باس ەلشىلىگى سول ەلدەگى اقش ازاماتتارىنا تاجىكستان مەن اۋعانستان شەكاراسىنا جاقىن ايماقتارعا ساپار شەكپەۋىن ەسكەرتىپ وتىر. سونىمەن بىرگە كەشتەردە كوپشىلىك كوبىرەك جينالاتىن ورىندارعا بارماۋىن، مۇمكىندىگىنشە قوعامدىق كولىكتى پايدالانباۋىن ەسكەرتكەن.

ەستەرىڭىزدە بولسا، وتكەن ايدا اقش مەملەكەتتىك دەپارتامەنتى حابارلاما جاريالاپ، ءوز ازاماتتارىنا ەۋروپاعا ساياحاتتاي بارۋدىڭ قاۋىپتى ەكەنىن، جاز ايلارىندا ەۋروپادا لاڭكەستىك شابۋىلداردىڭ ءجيى تۋىلاتىندىعىن مالىمدەگەن بولاتىن. بۇل ەسكەرتۋدەن كەيىن شىنىمەن دە ەۋروپانىڭ بىرنەشە قالالارىندا لاڭكەستىك شابۋىلدار ورىن العان ەدى. دەمەك، الداعى التى ايدا تاجىكستاندا دا تەررورلىق ارەكەتتەردىڭ تىركەلۋى بەك مۇمكىن.

“The Qazaq Times”