فرانتسيا مەن ۇلىبريتانيا باسشىلارى. فوتو: Newsdnya.ru.

وسىدان ەكى كۇن بۇرىن فرانتسيا پرەزيدەنتى ەممانۋەل ماكرون مەن ۇلىبريتانيا پرەمەر-ءمينيسترى تەرەزا مەي  فرانتسيانىڭ ورتالىق قالاسى پاريجدە كەزدەسكەن بولاتىن. ۇلىبريتانيانىڭ ەو-دان باس تارتقاننان كەيىن فرانتسيا بولعان جاڭا قارىم-قاتىناستىڭ نەگىزى وسى كەزدەسۋدە قالاندى دەۋگە بولادى. ەكى جاقتىڭ باسشىلارى بىرقاتار جاڭا ءارى ماڭىزدى كەلىسىمدەر جاساستى. مۇنىڭ ءبارى دە كوز الداعى ەۋروپا ءۇشىن اسا ماڭىزدى دەگەن تاقىرىپتار بولدى. بۇل تۋرالى قىتايدىڭ "شينحۋا" اگەنتتىگى جانە "تۇرىك تەلە-راديو" قىزمەتى قاتارلى شەتەلدىك اقپارات كوزدەرى حابارلاپ وتىر. 

كەزدەسۋدەن كەيىنگى ەكى باسشى بىرلەسە وتكىزگەن ءباسپاسوز كونفەرەنتسياسىندا فرانتسيا پرەزيدەنتى: «بۇل ءبىر وڭايلىقپەن جاسالماعان شەشىم، دەسە دە، ۇلىبريتانيا قاشان ەو-دان تولىقتاي شىعىپ بولعانشا ءبىزدىڭ وداقتاسىمىز بولىپ سانالادى. ەۋروپا وداعىنىڭ ەسىگى ءالى دە بولسا ۇلىبريتانياعا اشىق تۇر. الايدا، ءبىز ءبارىمىز وڭايلىقپەن جاسالماعان شەشىم تۋرالى كەرى ويلاۋدىڭ قيىن ەكەنىن تۇسىنەمىز»، – دەدى.

سول كۇنى ەكى ەل باسشىلارىنىڭ كەلىسىمى ارقىلى بىرنەشە جاقتاعى جاڭا كەلىسىمدەرگە قول قويدى. ايتالىق، ەكونوميكالىق جاڭا سەلبەستىك، تەرروريزمگە قارسى ورتاق كۇرەسۋ، سونداي-اق، بوسقىندار ماسەلەسى تۋراسىندا. اسىرەسە، ەكى ەل قاۋىپسىزدىك-بارلاۋ قىزمەتى بىرلەسە وتىرىپ، ەكسترەميزمگە قارسى كۇرەستىڭ جاڭا جۇيەسىن جاسايتىندىقتارى سالماقتى تالقىعا اينالدى. عالامتور جەلىسى ارقىلى تەررورلىق توپتارعا قارسى كۇرەس جۇرگىزەتىن جاڭا جۇيە جاساقتالاتىندىعىن مالىمدەدى. ءتىپتى بۇل باستامانىڭ سالماعىن ارتتىرىپ، ءونىمىن جاقسارتۋ ءۇشىن، ۋاشينگتون تارابىندا بۇل جۇمىسقا تارتاتىندىعى بەلگىلى بولدى.

“The QazaqTimes”