اقش-تىڭ فەدەرالدى رەزەرۆ جۇيەسى امەريكالىق ۆاليۋتاعا قاتىستى بازالىق مولشەرلەمەنى 1%-دان 1,25%-عا دەيىن كوتەردى. فرج-نىڭ مالىمەتىنشە، پايىزدىق مولشەرلەمە الداعى ۋاقىتتا 1,375%-عا كوتەرىلدى. ۇيىم وسى جىل ىشىندە مولشەردى وسىمەن ەكىنشى رەت كوتەرىپ وتىر.
اقپان ايىندا فرج بازالىق مولشەرلەمەنى 0,75% دەڭگەيىندە قالدىرعانمەن، ناۋرىز ايىندا 25 بازيستىك پۋنكتكە كوتەرىپ، 1%-دى قۇراعان.
فەدەرالدى رەزەرۆ جۇيەسى دەگەنىمىز نە؟
فەدەرالدى رەزەرۆ جۇيەسى — اقش-تا ۇلتتىق بانك فۋنكتسياسىن اتقاراتىن تاۋەلسىز فەدەرالدى ۇيىم دەۋگە بولادى. ياعني قازاقستاننىڭ ۇلتتىق بانكى سياقتى قارجى نارىعىن رەتتەپ وتىرادى. ەرەكشەلىگى سول - ول پرەزيدەنت پەن بيلىكتىڭ قانداي دا ءبىر وكىلىنە تاۋەلدى ەمەس جانە شەشىمدى وزدەرى شىعارادى دەۋگە بولادى.
2014 جىلدان بەرى فرج پايىزدىق مولشەرلەمەسىنىڭ وزگەرۋ ديناميكاسى. دەرەككوز: investing.com
تەڭگەگە قالاي اسەر ەتەدى؟
فرج-نىڭ پايىزدىق مولشەرلەمەنى كوتەرۋى تەك قازاقستاننىڭ تەڭگەسىنە عانا ەمەس، دوللارعا تاۋەلدى ەلدەردىڭ بارىنە اسەر ەتەدى. ياعني فرج-نىڭ ستاۆكاسى كوتەرىلسە دوللار قىمباتتايدى دەگەن ءسوز. ال بۇدان ەكونوميكاسى ينۆەستيتسياعا تاۋەلدى قازاقستان سياقتى دامۋشى مەملەكەتتەر جاپا شەگەدى. سونداي-اق، فرج ستاۆكاسىنىڭ جوعارى بولۋىنىڭ سالدارى الەمدەگى شيكىزات باعاسىنا، سونىڭ ىشىندە ەڭ الدىمەن مۇناي باعاسىنىڭ ارزانداۋىنا اسەر ەتەدى.
قازىرگى ۋاقىتتا مۇنايدىڭ باعاسى باررەلىنە 47,05 دوللار شاماسىندا. ال 1 دوللاردىڭ رەسمي باعامى 14 ماۋسىمدا 316,27 تەڭگەنى قۇرادى.
دوللارعا قاتىستى تەڭگە كۋرسىنىڭ وزگەرۋى (17.06.2016 - 13.06.2017 جىل ارالىعى). دەرەككوز: bai.kz
ەندى وسى مالىمەتتەردى ەسكەرەر بولساق، 2016 جىلعا قاراعاندا 2017 جىلدىڭ سوڭعى بەس ايىندا نىعايعان تەڭگە كۋرسى قايتا السىرەپ كەتۋى عاجاپ ەمەس.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى