پاناما «ۇلكەن قىتايدى» مويىنداپ، تايۆانمەن ديپلوماتيالىق قاتىناسىن ءۇزدى

پاناما ۇكىمەتى دۇيسەنبى كۇنى كەشتە حابارلاما جاريالاپ، قىتايمەن ديپلوماتيالىق قاتىناس ورناتۋ ءۇشىن، تايۆانمەن ديپلوماتيالىق قاتىناستاردى ءۇزىپ، بارلىق رەسمي بايلانىستاردى توقتاتاتىندارىن حابارلادى. بۇل تۋرالى «The Wall Street Journal» باسىلىمى حابارلاپ وتىر.

پاناما پرەزيدەنتىنىڭ ارناۋلى سايتىندا كورسەتكەن، ەكى ەل قول قويعان يسپان تىلىندەگى كەلىسىمدە: «پاناما رەسپۋبليكاسى الەمدە ءبىر عانا قىتاي بار ەكەنىن مويىندايدى. تايۆان قىتايدىڭ اجىراماس ءبىر بولەگى بولىپ تابىلادى»، – دەپ جازىلعان.

پانامانىڭ بۇل شەشىمى دەرەۋ كۇشىنە ەنەتىنىن دە جاريا ەتتى. بۇل تايۆان ءۇشىن اۋىر سوققى بولارى انىق. پاناما ديپلوماتيالىق قاتىناسىن ۇزگەننەن كەيىن، تايۆاندا تەك 20 ديپلوماتيالىق وداقتاس قالادى. قىتاي ۇكىمەتى تايۆاندى ءوزىنىڭ ءبىر پروۆينتسياسى رەتىندە قاراستىرادى. دەربەس ەل رەتىندە وزگەلەرمەن ديپلوماتيالىق قارىم-قاتىناس ورناتۋىنا قارسى بولىپ كەلەدى.

سوڭعى جىلدارى قىتايدىڭ ەكونوميكالىق ىقپالى ارتىپ كەلەدى. تايۆاننىڭ كوپتەگەن وداقتاستارى قىتاي ديپلوماتيالىق قاتىناسىنىڭ پايداسىنا تايۋانمەن بولعان قارىم قاتىناسىن ءۇزىپ كەلەدى. بۇل تايۆاننىڭ حالىقاراداعى ورىنىن مارگينالدىققا قاراي ىعىستىرىپ شىعارىپ بارادى.

پاناما شەشىمى تۋرالى تايۆان سىرتقى ىستەر مينيسترلىگى ەشقانداي تۇسىنىكتەمە بەرمەگەن.

“The Qazaq Times”