رەسەي مەن يران كاتارعا ازىق-تۇلىك ەكسپورتتاپ، كومەك قولىن سوزباق

كاتار سىرتقى ىستەر ءمينيسترىنىڭ مالىمەتىندە يران مەن رەسەي كاتارعا كومەك رەتىندە جاپپاي ازىق-تۇلىك ەكسپورتتاۋ ۇسىنىسىن جاساعان. بۇنى كاتار ءسىم باسشىسى رەسەيلىك «روسسيا 24» تەلەارناسىنا بەرگەن سۇقپاتىندا ايتىپ ءوتتى. بۇل تۋرالى يرنا اقپاراتتىق اگەنتتىگى حابارلاپ وتىر.

كاتار سىرتقى ىستەر ءمينيسترى مۇحاممەد بين ابدۋراحمان ءال-ساني جەكسەنبى كۇنگى سوزىندە: «يران كاتاردىڭ باسقا دوس ەلدەرى سەكىلدى ازىق-تۇلىك ەكسپورتىن ارقىلى كومەك قولىن سوزباق. رەسەيدە وسىنداي ۇسىنىس جاساپ وتىر. دەگەنمەن، ازىرگە مۇنداي كومەك قابىلدايتىن كەز جەتە قويعان جوق. سەبەبى، وسىنداي كومەكتى بۇدان بۇرىندا بىرنەشە ديپلوماتيالىق دوس ەلدەر جاساپ وتىر. ايتالىق، تۇركيا قاتارلى ەلدەر»،  – دەدى.

كاتار ءمينيسترى مۇحاممەد اراب ەلدەرى العاش سانكتسيا جاريالاعان كەزدە حالىقتىڭ دۇكەندەردە جاپپاي ازىق-تۇلىك ساتىپ الىپ، الاڭداۋشىلىق بىلدىرگەنىن مويىنداي كەلىپ، قازىر بۇل جاعدايدىڭ رەتتەلىپ قالعانىن ايتتى.

رەسەي اۋىل شارۋاشىلىق مينيسترلىگى دە كاتارداعى حالىقتىڭ قاجەت ەتكەن بارلىق اۋىل شارۋاشىلىق ونىمدەرىن جەتكىزىپ بەرۋگە دايىن ەكەندىكتەرىن ءبىلدىردى.

“The Qazaq Times”