حومەنەي ءپۋتيندى قابىلدادى. فوتو: USA Today.

تەھراننىڭ (تەگەراننىڭ) اقپارات قۇرالدارىنىڭ حابارىندا، جەرگىلىكتى ۋاقىتپەن 1 قاراشا كۇنى رەسەي پرەزيدەنتى ۆلاديمير پۋتين يرانعا ساپارلاي بارىپ، ەلدىڭ رۋحاني كوسەمى جانە پرەزيدەنتىمەن كەزدەسكەن. بۇل تۋرالى «شينحۋا» اگەنتتىگى حابارلادى.

ەكى ەل باسشىلارىنىڭ كەزدەسۋى كەزىندە يرانمەن جاساسقان التى جاقتى «يران يادرولىق كەلىسىمى» ماسەلەسىن، ءسۇريا داعدارىسى جانە تەرروريزمگە قارسى ىنتىماقتاستىق تاقىرىپتارىن ءسوز ەتكەن. ساپار كەزىندە رەسەي پرەزيدەنتىنىڭ ءباسپاسوز مالىمدەمەشىسى پۋتين ساپارىنىڭ يرانمەن ءسۇريا داعدارىسىن شەشۋدى ماقسات ەتكەنىن اتاپ ءوتتى. بۇعان قوسا ءپۋتيننىڭ بۇيىمتايى قاتارىندا ەكى ەلدىڭ ەنەرگەتيكا ماسەلەسى مەن يران يادرولىق ماسەلەسىن دە وڭدى شەشۋ ماقساتتارى بار. بۇل ءىس-ساپار كەزىندە رەسەي، ءازىربايجان، يران باسشىلارىنىڭ ءسامميتى وتەدى دەپ كۇتىلۋدە.

يران ۇكىمەتىنىڭ رەسمي سايتىندا جازىلۋىنشا، ەلدىڭ رۋحاني كوسەمى حومەنەي پۋتينمەن كەزدەسكەن كەزدە، ەكى ەل اراسىنداعى ىنتىماقتاستىققا جوعارى باعا بەرگەن. يران مەن رەسەي ءسۇريا ماسەلەسىندە قاشاندا ءبىر مايداندا ەكەنىن العا تارتقان. سونىمەن بىرگە ەكى ەل تاتۋلىعىنىڭ ورتا-شىعىس ورنىقتىلىعىنا وڭدى اسەرىن تيگىزىپ وتىر دەپ باعالاعان. حومەنەي كەزدەسۋ كەزىندە اقش جەتەكشىلىگىندەگى حالىقارالىق كواليتسيانىڭ ءسۇريا ءۇشىن قاجەتى جوق دەگەن ويىن ايتتى.

ءپۋتيننىڭ يرانعا ساپارى باتىس ەلدەرىمەن بىرگە، كورشى جاتقان اراب ەلدەرى دە باستى نازار دا ۇستاپ وتىر. ەستەرىڭىزدە بولسا سالمان بين ابدۋ ازيز ءال-ساۋد رەسەيگە ساپارلاي بارىپ، وڭىردەگى باسەكەدە يراندى باسىپ وزۋ ءۇشىن رەسەيگە ساپارلاي بارىپ، قارىم-قاتىناستى نىعايتىپ قايتقان ەدى. پۋتين ساۋد پاتشاسىن اتتاندىرا سالىپ كوپ وتپەي، ءوزىنىڭ يرانعا جاساعان ساپارىنان كەيىن ورتا شىعىس قايشىلىعى تاعىدا دۇبىرگە ۇلاسۋى بەك مۇمكىن.

“The Qazaq Times”