فوتو: اقوردا

بۇگىن استانادا شانحاي ىنتىماقتاستىعى ۇيىمى ءسامميتىنىڭ اياسىندا نۇرسۇلتان نازارباەۆ بۇۇ باس حاتشىسى انتوني گۋتەرريشپەن كەزدەستى.

كەزدەسۋ بارىسىندا نۇرسۇلتان نازارباەۆ «شانحاي ىنتىماقتاستىق ۇيىمىنىڭ تاريحىندا بۇگىن العاش رەت بۇۇ باس حاتشىسى ۇيىم سامميتىنە قاتىسىپ وتىر. ءسىزدىڭ ۇيىم جۇمىسىنا قاتىسۋىڭىز تاريحي ساتپەن تۇسپا-تۇس كەلىپتى. بۇگىن شىۇ قۇرامىنا ءۇندىستان مەن پاكىستان مۇشەلىككە قابىلدانىپ وتىر. بۇل دەگەنىمىز ۇيىمنىڭ وسى اۋماقتا عانا ەمەس الەمدىك دارەجەدە ساياسي سالماعىن ارتادى دەگەن ءسوز.» دەدى.

بۇدان بولەك نازارباەۆ قازاقستان بۇۇ كەز كەلگەن باستاماسىن قولدايتىنىن جانە قازاق ەلى الەم بويىنشا انتيادرولىق قوزعالىستىڭ كوش باسشىسى ەكەندىگىن ايتقان.

ال انتوني گۋتەرريش ءوز كەزەگىندە «مەن بۇگىن سامميتكە كەلىپ شىۇ جەر شارىنىڭ تارتىلىس كۇشى ەكەندىگىنە تاعى ءبىر رەت كوزىم جەتتى. بۇل ۇيىم وسى اۋماقتا تۇراقتىلىقتى ساقتاپ تۇرۋدىڭ قوزعاۋشى كۇشى بولادى دەپ ويلايمىن. ەندى وسى ۇيىم ارقىلى ءۇندىستان مەن پاكىستان ءوزارا ديالوگقا كەلەدى دەگەن ۇمىتتەمىن.» دەدى.

“The Qazaq Times”