"The Wall Street Journal"-دىڭ حابارلاۋىنشا،Volkswagen اۆتوكولىك ءوندىرۋشى كومپانياسىنا قاراستى ساۋلەتتى اۆتوكولىكتەر ءوندىرۋشى Audi كومپانياسى NVIDIA-مەن بىرلەسىپ تولىقتاي اۆتوماتتاندىرىلعان اۆتوكولىك جاساۋ ءىسىن دامىتۋدى قولعا العان. سول ارقىلى اۆتوكولىك ءوندىرۋشى جانە تەحنولوگيا كومپانيالارىمەن تىڭ ارىپتەستىك ورناتپاق.
سارسەنبىدە، «اۋدي» كومپانياسى: NVIDIA-مەن رەسمي سەلبەستىك ورناتا وتىرىپ كولىك جۇرگىزۋدى تولىقتاي اۆتوماتتاندىرۋ جوباسىن قولعا الدىق، مەجەمەن مۇنداي جۇرگىزۋشىنى قاجەت ەتپەيتىن اۆتوكولىكتەر 2020 جىلى بازارعا سالىناتىن بولدى دەپ حابارلادى. بۇل حابار 2017 جىلعى حالىقارالىق ەلەكترونيكا تۇتىنۋشىلار كورمەسىندە بەلگىلى بولدى. لاس-ۆەگاستاعى عىلىم-تەحنولوگيا ونىمدەر كورمەسىنە الەمدەگى كوپتەگەن كولىك جاساۋشى جانە جابدىقتاۋشى كومپانيالار قاتىستى. ولار وسى ارادا جاڭا تەحنولوگياداعى تىڭ تالپىنىستار مەن جەتىستىكتەرىن ورتاعا سالدى.
وسىدان بۇرىن اۋدي مەن NVIDIA-نىڭ كەڭەيتىلگەن ىنتىماقتاستىعى ارقىلى «كەپتەلىستى باقىلاۋ ناۆيگاتسياسى» دەپ اتالاتىن جارتىلاي اۆتوماتتاندىرىلعان جۇرگىزۋ جۇيەسىن جاساعان بولاتىن. بۇل قۇرلىعى وسى جىلدىڭ سوڭىنا قاراي اۋدي-ا8 كولىكتەرىنە ورناتىلاتىن بولادى. قۇرلىعىدا پايدالانىلعان، NVIDIA-نىڭ اقپاراتتىق جانە باعدارلامالىق درايۆەرلەرى كەرەك بولعان جاعدايدا ساعاتىنا 60 شاقىرىمدىق جىلدامدىقپەن اۆتوماتتى تۇردە كولىك جۇرگىزە الادى. سەلبەسكەن تاراپتاردىڭ ورتاق پىكىرى: بولاشاقتا بۇل قۇرلىعى ارقىلى باعدارلامالىق قۇرالدى جاڭارتىپ، ادامدى قاجەت ەتپەيتىن اۆتوكولىك جۇرگىزۋ ءىسىن جۇزەگە اسىرۋعا ابدەن بولادى دەگەنگە توقتالادى.
ەگەر بۇل جوبا جۇزەگە اسسا، بارلىق الەۋمەتتىك جانە جەكە اۆتوكولىكتەرگە ارناۋلى جۇرگىزۋشىنىڭ قاجەتى قالمايدى. الايدا ءبىزدىڭ ويىمىزشا بۇل جۇيە جالپىلاسسا، جول قۇرلىسى دامىعان ەلدەرگە عانا جارامدى بولارى انىق. جاڭا تەحنولوگيالار ويلاپ-تابىلىپ، ادامداردىڭ قولىن جۇمىستان بوساتقان سايىن جۇمىسسىزدار سانىنىڭ ارتاتىنى تاعى بار. قۇرلىعى ىسكە قوسىلىپ، اۆتوكولىكتەر مەن الەۋمەتتىك تاسىمال كولىكتەرى جۇرگىزۋشىلەردى قاجەت ەتپەسە الەمدە ميلليونداعان ادام جۇمىسسىز قالادى. بۇل بىزگە بولاشاق قوعامداعى تىڭ كۇرەستىڭ كورنىسىن كورسەتىپ تۇر. ءتۇپتىڭ تۇبىندە ادامدار ءوزى جاساعان قولتەمىرلەرمەن كۇرەسىپ جاتاتىن كينوداعى وقيعالار ءتۇرىن وزگەرتىپ ءبىزدىڭ ادامزات قوعامىندا ءجۇز بەرۋى ابدەن مۇمكىن.
“The Qazaq Times”
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى
وزبەكستان پرەزيدەنتى جەلتوقساندا قىرعىزستانعا بارادى