«قازاقستان تەمىر جولى»  ۇلتتىق كومپانياسى» اكتسيونەرلىك قوعامى رەسەيلىك نارىققا جالپى سوماسى 15 ملرد ءرۋبلدىڭ وبليگاتسياسىن بەس جىلعا، كۋپوندىق نەگىزدە،  8,75  پايىزدىق كىرىسىمەن  شىعاردى. بۇل تۋرالى كومپانيانىڭ ءباسپاسوز قىزمەتى حابارلادى. 

شارانى «Halyk Finance» اق، «گازپرومبانك» اق، «ايماق» بروكەرلىك كومپانياسى» ااق، «رەنەسسانس  بروكەر» ااق ۇيىمداستىرعان.

"اتالمىش شىعارىلىم رەسەي نارىعىنا جولدانىپ وتىرعان تمد اۋماعىنداعى مەملەكەتتەر اراسىندا العاشقى ەميتەنت. وعان ينۆەستورلاردىڭ قىزىعۋشىلىعى باسىم. بۇل ءوز كەزەگىندە رەسەيدىڭ ءىرى كومپانيالارىنىڭ دەڭگەيىندە بەكىتىلگەن كىرىسى مول، ءارى العاشقى كورسەتىلگەن سومادان جوعارى بولاتىن سۇرانىسقا يە", - دەلىنگەن ءباسپاسوز حابارلاماسىندا.

مۇنداي كەلىسىم ەۋرازيالىق ەكونوميكالىق وداق ەلدەرى اياسىنداعى ماڭىزدى شەشىم عانا ەمەس، وتاندىق ەميتەنتتىڭ ۆاليۋتا تۇرىندە جاڭا نارىققا جول اشۋ.

«قتج» ۇك» اق - مەملەكەتتىك قوردىڭ 100 پايىزدىق قاتىسۋىمەن ۆەرتيكالدى ىقپالداسقان كولىك-لوگيستيكالىق حولدينگى . «قتج» ۇك» اق كەلەسىدەي  رەيتينگتەرگە يە: Fitch – BBB -; Moody’s – Baa3; S&P – ۆۆ.

“The Qazaq Times”