لوندونداعى شابۋىلدى «يسلام مەملەكەتى» ۇيىمى الەۋمەتتىك جەلى ارقىلى ۇيىمداستىرعان

«يسلام مەملەكەتى» ۇيىمى لوندونداعى تەررورلىق شابۋىلدى ءوز ۇستىنە الدى. ءارى بۇل شابۋىلدىڭ رامازان ايىنا وراي جاسالعانىن ايتتى.  «يسلام مەملەكەتىنىڭ» اقپاراتتىق اگەنتتىگى «اماق»-تىڭ تاراتقان حابارىندا بۇل رەتكى لاڭكەستىك شابۋىلدى «قۇپيا توپ» دەپ اتالاتىن ارناۋلى جانكەشتىلەردىڭ ورىنداعانىن ايتتى. بۇل تۋرالى "The Wall Street Journal" باسىلىمى حابارلاپ وتىر.

رامازان ايى 26 مامىردا باستالدى، ال سودان بەرى قاراي «يسلام مەملەكەتى» ۇيىمىنىڭ مۇشەلەرى مەن ونى جاقتاۋشىلار الەۋمەتتىك مەديالاردا حابارلاما تاراتۋدى باستاپ كەتتى. بۇل حابارلار ارقىلى ءار ەلدە جاسىرىنعان جانكەشتىلەردى شابۋىل ۇيىمداستىرۋعا جەلىكتىردى.

وتكەن اپتانىڭ جۇما كۇنىندە دە اتالعان ۇيىمعا مۇشە نەمەسە ولاردى قولداۋشى جاقتاستارى الەۋمەتتىك جەلىدە جەلىكتىرۋ ماعىناسىنداعى پلاكاتتار تاراتتى. جانكەشتىلەردى اقش پەن ەۋروپانىڭ بەيبىت تۇرعىندارىنا شابۋىل جاساۋعا شاقىردى. ولاردىڭ مازمۇنى ءدال لوندوندا كەشە عانا تۋىلعان لاڭكەستىك شابۋىل ارەكەتىنە ۇقسايدى. جەلىكتىرۋ سوزدەرىندە پىشاقتاۋ، اۆتوكولىكپەن ادامدار توبىنا شابۋىلداۋ، جۇرگىنشىلەرگە شابۋىل جاساۋ سىندى  سوزدەر بار.

“The Qazaq Times”