بالانىڭ تۋىلعانىن ۇيدە وتىرىپ-اق راسىمدەۋگە بولادى

«ۇلتتىق اقپاراتتىق تەحنولوگيالار» اق-نىڭ ءباسپاسوز ءبولىمى قازاقستاندىقتاردىڭ اراسىندا تۋىلعان بالانى eGov پورتالى ارقىلى تىركەۋ كەڭ قولدانىلىپ كەلە جاتقاندىعىن حابارلاپ وتىر.

سوڭعى بەس جىلدىڭ ىشىندە تۋىلعان بالانى تىركەۋ، بالا كۇتىمى ءۇشىن بەرىلەتىن جاردەماقى قۇجاتتارىن راسىمدەۋ، بالانى بالاباقشا كەزەگىنە قويۋ سەكىلدى قىزمەت تۇرلەرىن ازاماتتار  ينتەرنەتتىڭ كومەگىمەن-اق جۇزەگە اسىراتىن بولعان. بۇل باعدارلاما العاش 2012 جىلى قولدانىسقا بەرىلگەندە – 8 مىڭ قىزمەت تىركەلگەن بولاتىن، 2016 جىلى – 430 مىڭعا دەيىن جەتكەن، ال 2017 جىلدىڭ العاشقى بەس ايىندا 106 مىڭ ادام پورتالدىڭ قىزمەتىنە جۇگىنگەن ەكەن.

قازىرگى تاڭدا پورتالعا جاڭا قىزمەت تۇرلەرى دە ەنگىزىلىپ جاتىر. «بالانىڭ تۋىلۋى» قىزمەتى ارقىلى بىردەن بالاعا جسن الۋ، تۋ تۋرالى كۋالىككە ءوتىنىش تاستاۋ، بالاعا تولەنەتىن جاردەماقىنى ەسەپ شوتقا اۋدارۋ سەكىلدى قىزمەتتەردى  ينتەرنەت ارقىلى ورىنداۋعا مۇمكىندىك بار.

“The Qazaq Times”