تسيفرلىق ساۋاتتىلىقتى ارتتىرۋ سىنىبى اشىلدى

«تسيفرلىق قازاقستان» باستاماسىنىڭ تۇپكى ماقساتى - ەل ازاماتتارىنىڭ تسيفرلىق ساۋاتتىلىعىن ارتتىرۋ بولىپ تابىلادى.

وسى ورايدا رەسپۋبليكا اۋقىمىندا كوپتەگەن جوسپارلار، باعدارلامالار قۇرىلىپ، ءىس-شارالار اتقارىلۋدا. سول تىزىمدە حالىققا قىزمەت قورسەتۋ ورتالىقتارىندا اشىلىپ جاتقان وقىتۋ سىنىپتارى دا بار. بۇگىندە «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ» الماتى قالاسى بويىنشا №1 مەدەۋ اۋداندىق بولىمىندە 38 ورىندىق «Egov» وقىتۋ سىنىبى اشىلدى. سىنىپ كۋراتورلارى جاسىنا، جىنىسىنا، ۇلتىنا قاراماستان ەكى تىلدە ازاماتتاردى بەكىتىلگەن گرافيك بويىنشا وقىتاتىن بولادى. قاراپايىم ەلەكتروندىق تسيفرلىق قولتاڭبا الۋدان باستاپ، ەلەكتروندىق پورتالدا قولجەتىمدى بارلىق باعىتتاعى  مەملەكەتتىك قىزمەت تۇرلەرىن الۋدى ۆيدەوروليكتەر مەن تاجىريبەلىك ساباقتار ارقىلى ۇيرەتۋدە. بولاشاقتا اۋدان تەرريتورياسىنداعى مەكەمەلەر، ۇيىمدار مەن كەلىسە وتىرىپ قىزمەتكەرلەرگە توپتىق ساباقتار وتكىزۋ كوزدەلىپ وتىر. قالا تۇرعىندارى مەن قوناقتارىن تسيفرلىق ساۋاتتىلىقتى ارتتىرۋعا شاقىرامىز!

“The Qazaq Times”