فوتو: ParsToday

"فارس" اقپارات اگەنتتىگىنىڭ حابارلاۋىنشا رەسەي قورعانىس مينيسترلىگى سۇڭگۋىر قايىقتان سۇرياداعى دايش-تىڭ پوزيتسيالارىنا قاناتتى زىمىراندار اتقان.

«سپۋتنيك» اقپارات اگەنتتىگى رەسەي قورعانىس مينيسترلىگى وسى ەل ارمياسى تەڭىز كۇشتەرىنىڭ سارسەنبى كۇنى جەرورتا تەڭىزىندە ورنالاسقان «ادميرال ەسسەن» كەمەسى مەن «كراسنودار» سۇڭگۋىر قايىعىنان ءسۇريانىڭ پالميرا تاريحي قالاسىنداعى دايش-تىڭ پوزيتسيالارىنا 4 قاناتتى زىمىران اتقانىن حابارلادى.

رەسەي قورعانىس مينيسترلىگىنىڭ مالىمدەمەسى بويىنشا، زىمىرانمەن نىساناعا الىنعان بەكىنىستەر مەن اۋىر قارۋ-جاراق قويماسى تالقاندالىپ، راككا قالاسىنان اتتانعان سودىرلاردىڭ كوزى جويىلدى.

رەسەي 2015 جىلدىڭ قىركۇيەك-قازان ايلارىنان بەرى ءسۇريا ۇكىمەتىمەن لاڭكەستىككە قارسى ارىپتەستىك اياسىندا لاتاكيا وبلىسىنداعى حاميمدە ورنالاسقان ءوزىنىڭ اۋە-عارىش بولىمشەسىن پايدالانۋمەن قوسا، كەمەلەر، سۇڭگۋىر قايىقتار مەن بومبالاۋشى ۇشاقتاردى قولدانىپ، سۇرياعا قارسى لاڭكەستەردىڭ، سونىڭ ىشىندە دايش پەن ءان-نوسرات مايدانىنىڭ پوزيتسيالارىن بومبالاۋدا. بۇل لاڭكەستەردىڭ ىلگەرىلەۋىنىڭ توقتاتىلىپ، ولاردىڭ ءۇستى-ۇستىنە جەڭىلىس تابۋىنا سەبەپ بولۋدا.

“The Qazaq Times”