فوتو: Planet Minecraft

وسىعان دەيىن اقش-تىڭ ۇشاق تاسىمالداعىش ەكى الىپ كەمەسى تىنىق مۇحيتىنىڭ باتىس جاعالاۋىندا جۇرگەنى ءمالىم ەدى. اتى شۋلى «كارل ۆينسون» اۆياماتكاسى تۋرالى بۇكىل الەمدىك اقپارات كوزدەرى جاقسى بىلسە كەرەك. ال جاقىندا اقش جاق ءوزىنىڭ ءۇشىنشى الىپ اۆياماتكاسىن وسى كورەي تۇبەگىنە جاقىن تىنىق مۇحيت الابىنا قاراي جىبەردى. بۇل تۋرالى «پارس.اقپارات» اگەنتتىگى كورەيانىڭ «Yonhap» اگەنتتىگىنە سىلتەمە جاساي وتىرىپ حابارلادى.

«Yonhap» اگەنتتىگى دۇيسەنبى كۇنى اقش-تىڭ الىپ اۆياماتكالارىنىڭ ءبىرى USS Nimitz اتتى ۇشاق تاسىعىش كەمەسىن كورەي تۇبەگىنە جاقىن ايماققا جىبەرگەنىن حابارلادى. سالماعى 97 توننا كەلەتىن كەمەنىڭ ۇزىندىعى 333 مەتر. كەمە يادرولىق رەاكتورى بار الەمدەگى ەڭ ءىرى سوعىس كەمەسىنىڭ ءبىرى بولىپ سانالادى. بۇل كەمە وسىدان بۇرىندا اقش-كورەي بىرلەسكەن «كۇشىگەن» اسكەري وقۋ-جاتتىعۋىنا قاتىستىرىلعان بولاتىن.

كەشە تاڭەرتەڭ سولتۇستىك كورەيانىڭ زىمىران سىناعىن جاساۋىنا قارسى جاساعان اقش تەڭىز كۇشتەرىنىڭ جاۋابى بولسا كەرەك. ساراپشىلاردىڭ ايتۋىنشا اقش-تىڭ ۇشاق تاسىعىش ءۇش بىردەي كەمەسىنىڭ داۋلى ايماققا بىردەي جىبەرىلۋى وتە سيرەك كەزدەسەتىن جاعداي دەپ وتىر.

“The Qazaq Times”