اقش-تىڭ اۋىر اسكەري تەحنيكالارى ازيانىڭ شىعىسىنا كەلمەك. فوتو: Aircraft carrier.

اقش قارۋلى كۇشتەرىنىڭ مالىمەتىنە قاراعاندا، كەلەسى ايدا قۇراما شتاتتىڭ تەڭىز اسكەري كۇشتەرى ءۇش بىردەي ۇشاق تاسىمالداۋشى اۆياماتكاسىن ازيا-تىنىق مۇحيت وڭىرىندە بولاتىن اسكەري وقۋ جاتتىعۋعا اتتاندىرماق. پەنتاگوننىڭ مالىمەتىنە قاراعاندا بۇل پرەزيدەنت دونالد ترامپتىڭ ازياداعى ساپارىمەن ءبىر ۋاقىتتا بولماق. بۇل تۋرالى «شينحۋا» اقپاراتتىق اگەنتتىگىنىڭ رەسمي سايتى جازدى.

اقش-تىڭ ءبىر رەتتە ءۇش اۆياماتكاسىن ازيانىڭ شىعىسىنا اتتاندىرۋى وسىدان ون جىل بۇرىن بولعان ەكەن. سول كەزدە گۋام ارالىنىڭ سۋ الابىن قورعاۋ ماقساتىندا قورعانىس كۇشتەرى ۇشاق تاسىمالداۋشى ءۇش بىردەي الىپ اسكەري تەحنيكانى جىبەرگەن.

الدا بولاتىن اسكەري جاتتىعۋدىڭ ناقتى مازمۇنى جاريالانباعانىمەن، پەنتاگون جاتتىعۋعا دايىندالىپ جاتقانىن راستاپ مالىمدەمە جاسادى. بۇل الىپ اسكەري تەحنيكالار توبى اقش تەڭىز كۇشتەرىنىڭ سيمۆولى رەتىندە قاراستىرىلادى. ادەتتە بۇل اۆياماتكالاردا سوعىس ۇشاقتارى، كرەيسەرلەر، جويعىش ۇشاقتار، سۋاستى قايىقتارىنان قۇرالادى. سونىمەن قوسا 6-10 سوعىس كەمەسى دە بىرگە ەرىپ جۇرەدى. سونىمەن بىرگە ءار بىرەۋىندە 7500-دەن اسا قارۋلى جاۋىنگەر بولادى.

اقش-تىڭ بۇل قادامى قىتاي اقپارات قۇرالدارىمەن قورعانىس كۇشتەرىن الاڭداتىپ وتىر.

“The Qazaq Times”