فوتو: Tengrinews

قازاقستان مەن وزبەكستان اراسىندا قاتىنايتىن پويىزدارعا بيلەتتەر ارزاندايدى. بۇل تۋرالى «جولاۋشىلار تاسىمالى» اق ءباسپاسوز قىزمەتى حابارلادى.

"حالىقتىڭ سۇرانىسىن قاناعاتتاندىرۋ ماقساتىندا بيلەتتى ساتىپ الۋ مەرزىمىنە قاراي قازاقستان مەن وزبەكستان اراسىندا تىكەلەي قاتىنايتىن جانە وزبەكستاننان رەسەيگە قازاقستان ارقىلى جۇرەتىن پويىزدارعا جەڭىلدىكتەر ەنگىزىلەدى", - دەلىنگەن حابارلامادا.

اتالعان جەڭىلىدكتەر 2017 جىلدىڭ 27 مامىرى مەن 28 جەلتوقسانىنا دەيىن تومەندەگىدەي كولەمدە قاراستىرىلعان: 

كۋپە جانە سۆ ۆاگوندار ءۇشىن:

  • پويىزدىڭ جۇرۋىنەن 45 تاۋلىكتەن 31 تاۋلىك بۇرىن ساتىپ السا 45 پايىز جەڭىلدىك.
  • پويىزدىڭ جۇرۋىنەن 30 تاۋلىكتەن 6 تاۋلىككە دەيىن ساتىپ السا 35 پايىز جەڭىلدىك.

پلاتسكارت ۆاگوندار ءۇشىن:

  • پويىزدىڭ جۇرۋىنەن 45 تاۋلىكتەن 31 تاۋلىك بۇرىن ساتىپ السا 35 پايىز جەڭىلدىك.
  • پويىزدىڭ جۇرۋىنەن 30 تاۋلىكتەن 6 تاۋلىككە دەيىن ساتىپ السا 25 پايىز جەڭىلدىك.

بۇل جەڭىلدىكتەر ءبىر مەملەكەت ىشىندەگى مارشرۋتتاردا جانە ءبىر توپ جولاۋشىلار بىرگە بيلەت العان جاعدايدا قولدانىلمايدى.

"The Qazaq Times"