تۇرىك بيلىگى ايىپتالۋشىلاردى سوتقا الىپ كەلەدى. فوتو: BBC

تۇركيادا «بيلىكتى اۋدارۋ توڭكەرىسىن ۇيىمداستىردى» دەپ ايىپتالعان ەكى جۇزدەن استام ادامدى سوت وتىرىسىنا الىپ كەلدى. 221 ادامنىڭ ۇستىنەن جۇرگىزىلەتىن سوت وتىرىسى 22 مامىر دۇيسەنبى كۇنى باستالدى. تۇرىك بيلىگى بۇل ازاماتتاردى اقش-تاعى «گۇلەنشىلەر» ۇيىمىنىڭ باسشىسى فەتحوللاھ گۇلەنمەن بايلانىسى بار دەپ ايىپتاعان بولاتىن.

كەزەكتى سوتقا الىپ كەلگەن كۇماندىلەردىڭ باسىم كوپشىلىگى جوعارى اسكەري لاۋازىمدى قىزمەت اتقارعان. ايىپتالۋشىلاردى سوت وتىرىسىنا قارۋلى جاساقتاردىڭ قورشاۋىمەن ءتىزىپ الىپ كىردى. ال ولاردىڭ سىرتىنان پرەزيدەنت رەجەپ تايىپ ەردوعاننىڭ جاقتاستارى باقىلاپ تۇردى. ايىپتالۋشىلار قاتارىنىڭ الدىندا تۇركيا ابا اسكەري كۇشتەرىنىڭ مۇراگەرى قولباسشى، گەنەرال اقىن وزتۇرىكتى الىپ ءجۇردى.

ەردوعاننىڭ جاقتاستارى توڭكەرىس ۇيىمداستىرۋشىلاردى ءولىم جازاسىنا كەسۋ كەرەك دەپ وتىر. الايدا تۇرىك ەلىنىڭ زاڭىندا ءولىم جازاسى الىنىپ تاستالعان. ەردوعان بيلىگى ازىرگە دەيىن وتكەن جىلعى توڭكەرىستىڭ تۋدىرۋ ىسىنە بايلانىستى ەل ىشىندە 40 مىڭنان استام ادامدى قاماۋ مەن قۋدالاۋعا ۇشىراتقانى بەلگىلى.

"The Qazaq Times"