جاپونيا وزبەك مەدبيكەلەرىن جۇمىسقا شاقىرادى

جاپونيا وزبەك مەدبيكەلەرىن جۇمىسقا شاقىرادى

جاپونيانىڭ ءالەۋمەتتىك قامتاماسىز ەتۋ كورپوراتسياسى ءوزبەكستاننان مەدبيكەلەردى جۇمىسقا تارتۋعا نيەتتى. بۇل مءاسەلە ءوزبەكستاننىڭ ەڭبەك جءانە ءالەۋمەتتىك قورعاۋ ءمينيسترى ازيز ابدۋحاكيموۆ پەن جاپونيانىڭ ءالەۋمەتتىك قامتاماسىز ەتۋ كورپوراتسيا ءوكىلدەرى اراسىندا تالقىلانىپ جاتىر.

centralasian.org حابارلاعانداي، كەلىسسوزدەن كەيىن مىڭعا جۋىق وزبەكستاندىق مەدبيكە جاپونياعا جۇمىس ىستەۋگە بارادى دەپ جوسپارلانىپ وتىر. «جاپونيادا بالا تۋ تومەندەپ جاتىر. وندا قاريالاردى كۇتەتىن ادام جەتىسپەيدى. وسى تاپشىلىقتىڭ ورنىن تولتىرۋ ءۇشىن جاپوندىق كورپوراتسيا ارنايى باعدارلاما ازىرلەپ، وزبەكستاندىقتاردى جۇمىسقا تارتقىسى كەلەدى»، -دەدى ەڭبەك مينيسترلىگىنىڭ وكىلى.

ونىڭ سوزدەرىنشە، جاپونيالىق دەلەگاتسيا ۇزاق مەرزىمدى ىنتىماقتاستىق ورناتقىمىز كەلەدى دەپ مالىمدەگەن. قازىرگى ۋاقىتتا جۇمىسشىلاردىڭ ورتاشا جاسى، قويىلاتىن تالاپتار، بىلىگى تالقىلانىپ جاتىر ەكەن. مۇنان بولەك وزبەكستاننىڭ بىرقاتار مەديتسينالىق كوللەدجىندە جاپون ءتىلىن ەنگىزۋ مۇمكىندىگى قاراستىرىلىپ جاتقان كورىنەدى.

«ىرىكتەۋ كەزىندە جۇمىسشىنىڭ مەديتسينالىق ءبىلىمى ونشالىقتى ماڭىزدى بولمايدى. جاپوندىقتار بۇل ءۇشىن ارنايى كۋرستان ءوتۋى جەتكىلىكتى دەيدى. ولار قازىردىڭ وزىندە جاپون ءتىلىن ازداپ بىلەتىن 35 مەدبيكەنى ەرتىپ كەتۋگە دايار ەكەن»، - دەيدى مينيسترلىك وكىلى.

اتالعان جاپونيالىق كورپوراتسيا اۋرۋحانا، قارتتار ءۇيى جانە دەمالىس ورىندارىندا قاريالارعا كۇتىم جاساۋ قىزمەتىمەن اينالىسادى.

qazaqtimes.com