اقش-تىڭ ادىلەت مينيستىرلىگى ترامپ پەن رەسەي قاتىناسىن تەكسەرۋدەن جالتاردى

اقش ادىلەت مينيسترلىگىنىڭ حابارلاۋىنشا، FBI-دىڭ بۇرىنعى باسشىسى روبەرت ميۋللەر 2016 جىلعى اقش پرەزيدەنت سايلاۋىنا رەسەيدىڭ ارالاسۋىن تەكسەرۋ ءىسىنىڭ جەتەكشىسى بولىپ تاعايىندالدى. بۇل تۋرالى “The Wall Street Journal” باسىلىمى حابارلاعان بولاتىن.

الايدا، اقش ادىلەت مينيسترلىگىنىڭ ترامپ پەن رەسەي اراسىنداعى بايلانىستى تەكسەرۋدەن جالتارىپ وتىرعانى بايقالادى. اقش ادلەت مينيسترلىگىنىڭ ۆيتسە-ءمينيسترى Rod Rosenstein بۇل رەتكى تاعايىنداۋ تۋرالى تۇسىنىك بەرە كەلىپ: «ادىلەت ءمينيسترى جەفف سەسسيونس 2016 سايلاۋمەن بايلانىستى كەز-كەلگەن تەرگەۋدى بولدىرماۋ تۋرالى شەشىم قابىلدادى. سوندىقتان، ارنايى كەڭەسشى تاعايىنداۋ ارقىلى قوعامدىق مۇددەلەردى جاۋاپكەرشىلىك تانىتۋ كەرەك دەپ قارايدى»، – دەگەن ەكىۇشتى جاۋابىن قايىردى. ءارى، بۇل شەشىم قاندايدا ءبىر قىلمىستىڭ بولعانىنان نەمەسە سول قىلمىستى جاسىرۋ ءۇشىن جاسالماعانىن ايتتى.

ميۋللەر سارسەنبى كۇننەن باستاپ  فەدەرالدىق پروكۋرور رەتىندە جۇمىس اتقارا باستادى. ول 2001 جىلدان 2013 جىلعا دەيىن FBI-دىڭ باسشىسى قىزمەتىن اتقارعان. قانداي جاعدايدا دا دەربەس كوزقاراس ۇستانۋشى رەتىندە تانىمال بولعان تۇلعا.

“The Qazaq Times”