كلينتوندار. فوتو: ۆەدوموستي

ءبىر عانا «سەنساتسيا بومباسى» اقش اقپارات سالاسىن جارىپ تاستادى دەپ حابارلاپ وتىر CNN تەلەارناسى. امەريكانى دۇرلىكتىرگەن جاڭالىقتىڭ مازمۇنى مىناداي: اقش-تىڭ 42-ءشى پرەزيدەنتى بيلل كلينتون ايگىلى «تريللەر پاتشاسى» دجەيمس پاتتەرسونمەن بىرلەسە وتىرىپ، اقۇيدى ارتقى كورىنىس ەتكەن تريللەر جانرىنداعى شىعارما جاريالاماق.  بىرلەسكەن اۆتورلاردىڭ ايتۋىنشا شىعارمانىڭ اتىن «پرەزيدەنتتىڭ جوعالۋى» دەپ قويعالى وتىر.

شىعارما اۆتورلارىنىڭ ايتۋىنشا، كلينتون تىرناق الدى تۋىندىسىندا ساياساتتىڭ كىر بەتىن تىرناپ اشپاق. ءتىپتى بۇل شىعارما تولىقتاي «تەك قانا اقش پرەزيدەنتى بولعان ادام بىلەتىن اڭگىمەلەرگە» قۇرىلماق. سىرت كوز سىنشىلارىنىڭ پىكىرىنە سەنسەك، اتالعان شىعارما اقۇيدىڭ از بولماعان قۇپياسىن الەمگە پاش ەتىپ، شىعا سالىسىمەن امەريكاداعى ەڭ ءوتىمدى كىتاپقا اينالعالى تۇر.

ءوزىنىڭ شىعارماشىلىق جۇمىسى تۋرالى كلينتون: «پرەزيدەنتتىك قىزمەت تۋرالى اڭگىمە جازۋ كىم-كىمگە بولسىن قىزىعارلىق جۇمىس ەكەنى راس.  مەنىڭ بۇعان قابلەتىم جەتەدى. مەنىڭ ايتقىم كەلگەنى اقۇيدىڭ شىنايى بەت-بەينەسى مەن ۋشينگتوننىڭ جۇمىس جاساۋ فورماسى.  ال، شىعارمانىڭ كوركەمدەۋشى اۆتورى پاتتەرسون: «ماعان كەرەگى اقۇيدىڭ جۇمباق اڭگىمەلەرى. تەك سول عانا بولسا بولدى، مەن الەمدىك شىعارما جازامىن. ال، پرەزيدەنت مىرزا مەنىڭ قاجەت ەتكەنىمدى تولىقتاي بەرە الادى»، – دەپ سالدى.

امەريكا جۇرتشىلىعى بۇل اقپاراتتى ەستي سالىسىمەن شىعارمانىڭ قولدارىنا جەتۋىن اسىعا كۇتۋدە. ولار امەريكانىڭ تاعدىرىن قولىنا ۇستاپ وتىرعان اقۇي ىشىندە قاناي قۇپيالىقتار مەن سىرلى اڭگىمەلەر بولاتىنىن بىلگىسى كەلەدى. الايدا بۇل جاڭالىقتىڭ ۋاشينگتونداعى جونى جۋان ساياساتكەرلەرگە ۇنامايتىنى ايدان انىق.

“The Qazaq Times”