فوتو: svoboda.org

سولتۇستىك كورەيا بيلىگى "قاستاندىق ارەكەت جاساماق بولدى" دەگەن ايىپپەن اقش ازاماتىنىڭ ۇستالعانى تۋرالى مالىمدەدى. بۇل سوڭعى ەكى اپتادا قايتالانىپ وتىرعان ەكىنشى جاعداي. 

سولتۇستىك كورەيالىق ورتالىق تەلەگراف اگەنتتىگىنىڭ مالىمەتىنشە، كيم حاك سون سەنبى كۇنى، ياعني 6 مامىردا ۇستالعان. ء"تيىستى ۆەدومستۆو وكىلدەرى جان-جاقتى تەرگەۋ جۇمىستارىن جۇرگىزىپ جاتىر", - دەلىنگەن حابارلامادا.

اگەنتتىكتىڭ اقپاراتىنشا، كيم حاك سون پحەنياننىڭ ءبىلىم جانە تەحنولوگيا ۋنيۆەرسيتەتىندە جۇمىس ىستەگەن.

ايتا كەتەيىك، بۇعان دەيىن سولتۇستىك كورەيالىق باق ءساۋىر ايىنىڭ سوڭىندا پحەنياندا تاعى ءبىر اقش ازاماتى كيم سان دوكتىڭ (تون كيم) ۇستالعانىن حابارلاعان. وعان "كحدر ۇكىمەتىن قۇلاتۋعا ارەكەت جاسادى" دەگەن كىنا تاعىلىپ وتىر. ول دا پحەنياننىڭ ءبىلىم جانە تەحنولوگيا ۋنيۆەرسيتەتىنىڭ قىزمەتكەرى بولعان.

ەسكەرتە كەتەتىن جايت، سولتۇستىك كورەيا مەن اقش اراسىندا ەشقانداي ديپلوماتيالىق قارىم-قاتىناس ورناماعان.  2009 جىلدان بەرى قاراي 10 امەريكالىق جانە وزگە ەل ازاماتى سولتۇستىك كورەيا جەرىندە كۇدىكتى رەتىندە قولعا الىنعان.

“The Qazaq Times”