ەۋروپادا قىزىلشامەن اۋىرعانداردىڭ سانى كۇن ساناپ وسۋدە

قر مادەنيەت جانە سپورت مينيسترلىگىنىڭ تۋريزم يندۋسترياسى كوميتەتى بارلىق تۋروپەراتورلارعا ەۋروپاعا ساياحاتقا اتتانعالى جاتقان بارلىق قازاقستاندىقتاردى كەي اۋدانداردا ءجۇرىپ جاتقان قىزىلشا اۋرۋىنىڭ ەپيدەمياسى جايلى ەسكەرتۋلەرىن تالاپ ەتۋدە. ەۋروپا ەلدەرىنە اتتانعالى جاتقان تۋريستەرگە ومىرگە قاۋىپتى اۋرۋعا شالدىعۋ قاۋپى بارىن ەسكەرتىپ جاتىر.

تۋريزم يندۋسترياسى دەپارتامەنتىنىڭ ديرەكتورى مارات يعاليدىڭ ايتۋىنشا، ەۋروپالىق  دەنساۋلىق ساقتاۋ  ورتالىعىنىڭ  ماماندارى 2017 جىلدىڭ باسىنان بەرى  ەۋروپا ەلدەرىنىڭ كەي ايماقتارىندا قىزىلشامەن اۋىرعان ناۋقاستاردىڭ سانى تىم ارتقاندىعىن حابارلاۋدا. اسىرەسە، رۋمىنيا مەن يتاليادا جۇقپالى اۋرۋعا شالدىققان  ادامداردىڭ سانى كوبەيگەن. ال قىزىلشامەن اۋىرعانداردىڭ سانى بۇگىندە 4000-نان اسىپ وتىر. اۋرۋ تاراعان ەلدەردىڭ قاتارىندا: اۆستريا، بەلگيا، بولگاريا، ۆەنگريا، گەرمانيا، يسلانديا، يسپانيا، يتاليا، پورتۋگاليا، رۋمىنيا، چەحيا، شۆەيتساريا، شۆەتسيا، فرانتسيا سەكىلدى 12 مەملەكەت اتاپ كورسەتىلگەن.

قىزىلشا (كور) – پاراميكسوۆيرۋستارمەن قوزدىرىلاتىن، اۋا-تامشىلى مەحانيزم ارقىلى بەرىلەتىن، كلينيكاسى تسيكلدى اعىممەن، قىزۋمەن، ينتوكسيكاتسيا بەلگىلەرىمەن، كاتارالدى سيندروممەن، ماكۋلوپاپۋلەزدى بورتپەمەن  جانە ەرەكشە ەنانتەمالارمەن سيپاتتالاتىن جەدەل جۇقپالى اۋرۋ.

“The Qazaq Times”