عالىمدار ايعا اۋىل سالماقشى

قىتاي ەۋروپالىق عارىش اگەنتتىگىمەن (ESA) بىرلەسە وتىرىپ ايدا تىرشىلىك ەتۋگە ارنالعان بازانىڭ قۇرىلىسىن باستاماق.

وسى ماسەلەگە بايلانىستى جۇرگىزىلىپ جاتقان كەلىسسوزدەر جايلى قىتايدىڭ ۇلتتىق عارىش باسقارماسىنىڭ باس حاتشىسى تيان يۋلۋن مالىمدەگەن بولاتىن.

ال سارسەنبىدە ەۋروپالىق ارىپتەستەرى بۇل حابارلامانى راستادى.

«قىتايلىقتار ۇلكەن ءۇمىت كۇتتىرەتىن ماڭىزدى جوبانى باستادى، - دەدى، ESA-نىڭ رەسمي وكىلى پول حۆيستەندال  بلۋمبەرگ اگەنتتىگىنە بەرگەن سۇحباتىندا. – نەگىزى عارىشتى زەرتتەۋ وتكەن عاسىردىڭ 60-جىلدارى ءوزىنىڭ باعىتىن وزگەرتكەن بولاتىن، بىراق ءبىز بۇل حالىقارالىق ارىپتەستىكتى جوعارى باعالايمىز».

جەردىڭ تابيعي سەرىگىندە سالىنعالى جاتقان «ايداعى اۋىل» بولاشاقتا مارسقا ۇشۋ ءۇشىن جانە ايعا تۋريستىك ساپارمەن كەلۋگە ۇلكەن مۇمكىندىكتەردى اشادى. سونىمەن قاتار، بۇل باستامانىڭ ارقاسىندا ايداعى پايدالى قازبالاردى وندىرۋگە دە بولادى دەپ وتىر اگەنتتىك وكىلدەرى.

The Qazaq Times