"تەك سىزگە ارنالعان جارناما" - بالكىم، قاراپ كورەرسىز

بريتاندىق Channel 4 تەلەارناسىنىڭ كورەرمەندەرى  جاقىن ارادا تەك وزدەرىنە ارنالعان جانە تىكەلەي ەسىمدەرىن اتايتىن جارنامانى كورەتىن بولادى. بۇل تۋرالى Daily Mail باسىلىمى جازدى. 

جارناما 15 ميلليوننان استام نوۋتبۋك، پلانشەت جانە دە Smart TV قولدانۋشىلارىنا قولجەتىمدى بولماق. وسى شەشىم سوڭعى ۋاقىتتا جارنامانىڭ كورەرمەندەرىنىڭ تىم ازايىپ كەتۋىنە بايلانىستى ويلاستىرىلىپ وتىر. ويتكەنى، قازىرگى تاڭدا كوپتەگەن كورەرمەندەر جارناما شىققان كەزدە باسقا ارناعا  اۋىستىرىپ نەمەسە باعدارلاما، فيلم باستالعانشا باسقا شارۋالارىمەن اينالىسىپ كەتەدى. وسى ارقىلى تەلەارناداعى جارنامانىڭ قارالىم دەڭگەيى تىم تومەندەپ كەتكەن.

فوتو: tribuna.mosconsv.ru

ارنانىڭ كرەاتيۆتى ديرەكتورى داۆيد اموديونىڭ ايتۋىنشا: "ادامنىڭ نازارىن اۋداراتىن ەڭ باستى دۇنيە - ول ءوزىنىڭ ەسىمى".

مىسالعا، Foster's Lager سىرلارىنىڭ جارناماسى "بۇل سەن ءۇشىن ..." دەپ، كورەرمەننىڭ ەسىمىن ايتىپ باستالاتىن بولادى.

ايتا كەتسەك، وسى ۋاقىتقا دەيىن دە بىرنەشە امەريكالىق فيرمالار جارنامالاردى جەكە ۇيلەرگە باعىتتاپ، تەك جەكە وتباسىلارعا ارناپ وتىراتىن تەحنالوگيانى تاجىريبەدەن وتكىزگەن بولاتىن.

“The Qazaq Times”