فوتو: Millennial Moola.

قىتايدىڭ سىرتقى جانە ىشكى نارىقتاعى قارجىسى تەڭسەلىپ تۇر. اسىرەسە، بازار نارىعىن باقىلاپ-باسقارۋ ورگاندارى  بازارداعى  تەربەلىستىڭ ۇلكەن قاتەرگە اپارىپ سوعۋىنان الاڭداۋدا.

قىتايدا قارىز ارقىلى كىرگەن قارجى مولشەرى 20 اي بويى جوعارى كورسەتكىشتە بولعان. بۇل قىتاي بازارىنىڭ قىسىم الدىنداعى ەڭ جاڭا بەينەسى دەۋگە بولادى.  ءدال قازىر  قىتايدىڭ ۇكىمەت تاراپتارى تولاسسىز مالىمدەمە جاريالاپ، نەسيەنىڭ ارتۋى مەن قارجى داعدارىسىنىڭ قاۋپىن بار كۇشپەن تەجەۋدى اتاپ كورسەتۋدە.

قىتاي قور بيرجاسى جاقىنعى جىلداردان بەرى ساتسىزدىككە ۇشىراپ كەلەدى.  ياعني قارىزسىز سالا  باستاپقى اينالىمدا 1.4% -عا قۇلدىراعان. .

قىتاي ۇكىمەت تاراپى بيىل وزدەرىنە ىسكە اسپايتىن اۋىر  مىندەتتەر ارقالاتىپ العان سىڭايلى. ولار ءبىر جاعىنان، قارجى داعدارىسىنىڭ تۋىنداۋىنان ساقتانىپ، نەسيەنىڭ ارتۋ قارقىنىن باسەڭدەتۋدى كوزدەسە، تاعى ءبىر جاعىنان بازاردىڭ ورنىقتىلىعىن ساقتاپ قالۋ ءۇشىن ۇمتىلۋى كەرەك بولىپ وتىر  . قىتايدىڭ «فينانس» گازەتى  دۇيسەنبى كۇنى: “ كاپيتالدىڭ بىتىراۋى مەن ۇزدىكسىز كوتەرىلگەن باعا قىتاي قارجى جۇيەسىندەگى ەڭ ۇلكەن قاۋىپ  بولىپ وتىر” دەپ جازادى.

تاياۋداعى باستى تالقىلانىپ جاتقان ماسەلە،  بانكتەر ارقىلى كەلەدى دەگەن قىرۋار قاراجاتتىڭ ەسەبى تەرىس كورسەتكىشتە بولعان.  مۇنىڭ ىشىندە شەتەل قارجىلارىنا يەك سۇيەيتىن سالالار دا بار .

Sinolink Securities كورسەتكەن مالىمەتتەرىنە قاراعاندا، اۋتسورسينگ ينۆەستيتسياسى كەنەتتەن 5 – 6 ميلليارد يۋان ارتقان (7,3-8,7 ءجۇز ميلليون اقش $ ).

قىتاي ەكونوميكاسىنىڭ جاقىنعى ۋاقىتتاردان بەرگى وزگەشەلەۋ قوزعالىسى جونىندە قىتايدىڭ ءوز ەلى عانا ەمەس، ەۋروپا جانە ازياداعى كەي ەلدەر دە ءوز ساراپتامالارىن ايتۋدا. مىسالى، فرانتسيانىڭ «پاريج قارجىگەرلەرى» - ءنىڭ لوندوندا تۇراتىن ءبىر جەتەكشىسى     «قىتاي بانكىندەگى قالىپسىز ءوسىم كورسەتكىشى تىم تۇسىنىكسىز. قىتايدىڭ باقىلاپ باسقارۋ ورگاندارىنىڭ بۇل جاعدايدى ايقىنداۋىن ءۇمىت ەتەمىن دەيدى.

الەم ەكونوميكاسىندا كوش باستاپ تۇرعان الپاۋىت ەلدەردىڭ بىرىنە اينالعان قىتايدىڭ قارجى جاعىنداعى قالىپسىز قوزعالىسى الىس-جۋىق ەلدەردەگى ەكونوميكا عالىمدارىنىڭ جانە ءتۇرلى باق بەتتەرىنىڭ تالقىلايتىن تاقىرىبىنا اينالۋى تەگىننەن-تەگىن ەمەس.

"The Qazaq Times"