ە.ىدىرىسوۆ ۇلى بريتانياعا ەلشى بولىپ تاعايىندالدى

بۇگىن پرەزيدەنت ن.نازارباەۆ قر سىرتقى ىستەر مينيسترلىگىنىڭ باسشىلىق قۇرامىمەن كەزدەستى. كەزدەسۋدە ول وسىنىڭ الدىندا عانا سىرتقى ىستەر ءمينيستىرى لاۋازىمىنان الىنعان ەرلان ىدىرىسوۆتىڭ، قازاقستاننىڭ ۇلى بريتانياداعى ەلشىسى بولىپ تاعايىندالعانىن جاريالاپ، ونىڭ كوپ جىلعى اتقارعان قىزمەتى ءۇشىن العىسىن ءبىلدىردى.

بۇل تۋارلى اقوردانىڭ رەسمي سايتىندا حابارلانعان.

كەزدەسۋ بارىسىندا ن.نازارباەۆ سىرتقى ىستەر ۆەدومستۆوسىنىڭ جاڭا جەتەكشىسى قايرات ءابدىراحمانوۆتى تانىستىندى. سونداي-اق، قازىرگى داعدارىس بەلەڭ العان جاعداي مەن سان قۇبىلعان الەمدىك وقيعالار ۋاقىتىندا، ءسىم الدىندا جاڭا مىندەتتەر مەن جاڭا قادامداردىڭ تۇرعانىن اتاپ كورسەتتى.

قاڭتاردىڭ بىرىنەن باستاپ قازاقستان بۇۇ قاۋىپسىزدىك كەڭەسىنىڭ جۇمىسىنا قاتىسادى. اتالعان قۇرىلىمنىڭ تۇراقتى ەمەس مۇشەسىنە سايلانۋ قازاقستاننعا الەمدىك قاۋىمداستىق تاراپىنان جاسالعان قۇرمەت دەگەن پرەزيدەنت، ءوسىبىر جاۋاپتى قىزمەتتى ويداعىداي اتقارۋدى قاداعالادى ءارى «قىسقى ۋنيۆەرسيادا - 2017» جانە «استانا ەكسپو-2017» قاتارلى حالىقارالىق دەڭگەيدەگى شارالاردى دا ويداعىداي وتكىزۋدىڭ ماڭىزىنا توقتالدى.

«The Qazaq Times»