وڭتۇستىك كورەيانىڭ قورعانىس تاراۋلارى 16 ساۋىردە تاراتقان حابارىندا، سول كۇنى تۇستەن بۇرىن سولتۇستىك كورەيا جاڭا زىمىران سىناعىن جاساعان. اتالعان ەلدىڭ قورعانىس وكىلدەرىنىڭ ايتۋىنشا، بۇل رەتكى زىمىران سىناعى ءساتسىز بولعان. سونىمەن ءبىر ۋاقىتتا اقش تىنىق مۇحيت باس شتابى دا سولتۇستىك كورەيانىڭ ءساتسىز اياقتالعان جاڭا زىمىران سىناعىن راستادى.
بۇۇ قاۋىپسىزدىك كەڭەسىنىڭ 20 ءساۋىر كۇنى وتكىزگەن ءباسپاسوز جيىنىندا، وسىدان بۇرىنعى سولتۇستىك كورەيانىڭ زىمىران سىناقتارى ايىپتالىپ، بۇدان كەيىن يادرولىق زىمىران سىناعىن جاساۋىن توقتاتۋىن تالاپ ەتتى. بۇل تۋرالى «شينحۋا» اگەنتتىگىنىڭ رەسمي سايتى حابارلايدى.
قاۋىپسىزدىك كەڭەسىنىڭ ايتۋىنشا، سولتۇستىك كورەيا بۇۇ قاۋلىسىن ەلەمەستەن، وسىدان بىرنەشە كۇن بۇرىن ەڭ جاڭا تۇردەگى زىمىران سىناعىن جاساعان. ءوڭىردىڭ قاۋىپسىزدىگىنە اۋىر قاتەر توندىرۋدە. قاۋىپسىزدىك كەڭەس سولتۇستىك كورەيانىڭ ءبىرتۇتاس بەكىتىلگەن قاراردى بۇزاتىن مۇنداي ارەكەتتەردى تەز ارادا توقتاتۋىن تالاپ ەتتى.
ەستەرىڭىزگە سالا كەتەيىك، سولتۇستىك كورەيا وتكەن جىلى 6 قاڭتاردان 9 قىركۇيەككە دەيىن يادرولىق سىناق جۇرگىزگەن بولاتىن. ونىڭ اراسىندا بىرنەشە رەتكى بالليستيكالىق زىمىران سىناقتارى دا بار. بۇۇ قاۋىپسىزدىك كەڭەسى سول جىلى 2 ناۋرىزدا جانە 30 قاراشا دا ەكى رەت قارار قابىلداپ، سولتۇستىك كورەيانىڭ يادرولىق سىناعىن ايىپتاپ، تەز ارادا توقتاتۋىن تالاپ ەتكەن. الايدا، بۇل قارارعا قۇلاق تۇرگەن سولتۇستىك كورەيا بولعان ەدى.
The Qazaq Times
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى