رەسەي ۋكراينا جەرىنە قارۋلى كۇشپەن باسىپ كىرگەنىنە ەكى ايعا جۋىقتادى. سوعىس باستالعاننان بەرى رەسەي كۇشتەرى ۋكراينا وڭتۇستىك-شىعىسىنداعى پورت قالا ء–ماريۋپولدى تولاسسىز اتقىلاپ جاتىر. قازىر مىنە قالا رەسەيدىڭ باقىلاۋىنا وتۋگە اينالعانى دا بايقالادى. ۋكراينا قارۋلى كۇشتەرى قالادا قارسىلىقتى تاباندى جالعاستىرىپ جاتقانىن ۇدايى مالىمدەپ كەلسە دە، سوڭعى كەزدەرى قالانى رەسەي تولىقتاي باقىلاۋىنا الۋعا اينالعانىن مويىنداي باستادى. رەسەي نە ءۇشىن ءماريۋپولدى الۋعا بار كۇشىن سالىپ جاتىر؟ ورىس-ۋكراين سوعىسىندا ماريۋپولدىڭ قانداي ماڭىزى بار؟
ماريۋپول شايقاسى تۋرالى BBC جاڭالىقتارىندا قالاداعى ۋكراينا اسكەري قوسىندارىنىڭ وق-ءدارىسى تۇگەۋگە جاقىن قالعانى جانە ەكىگە ءبولىنىپ قورشاۋدا قالعانى تۋرالى ايتىلىپ جاتىر. وسى تۇستا ۋكرايناداعى رەسەي قولداۋىنداعى بولشەكتەۋشى كۇشتەرى جاعىنان «ماريۋپول باعىنۋدىڭ الدىندا تۇر» دەگەن مالىمدەمەلەر جاسالىپ جاتىر.
ماريۋپول – ازاۋلى تەڭىزىنە (ازوۆ) شىعاتىن پورت قالا جانە دونباسس ايماعىن باقىلاۋداعى اسا جوعارى ستراتەگيالىق ماڭىزعا يە. ءماريۋپولدى يەلەۋ رەسەي ءۇشىن قانشالىقتى ۇلكەن جەڭىس بولسا، ودان ايىرىلۋ ۋكراينا ءۇشىن سونشالىقتى ۇلكەن جوعالتۋ ەسەپتى. ايتالىق، رەسەي ماريۋپولگە يە بولسا دونباسس ايماعىندا ستراتەگيالىق باسىمدىقتىڭ ءبىر تۇتقاسىنا يە بولادى; اۋقىمدى اسكەري ورنالاستىرۋلاردى ماريپۋپول ارقىلى جۇزەگە اسىرۋ مۇمكىندىگىنە يە بولادى، بىلايشا ايتقاندا پورت قالا ارقىلى ۋكراينا جەرىنە بۇدان دا كوپ اسكەرىن كىرگىزە الادى. بۇعان قوسا ءماريۋولدى باقىلاۋعا الا السا رەسەي دونباسس ايماعىن باقىلاۋدا ۇستىمدىككە شىعا باستايدى. كيەۆىڭ ءوزى ءماريۋپولدى قولدان شىعارىپ الۋدىڭ قانشالىقتى اۋىر زارداپ اكەلەتىن اشىق مويىنداپ وتىر. وسى جانە وزگە دە سەبەپتەرمەن رەسەي اتالعان شاھاردى الۋعا كۇشىن اياپ جاتقان جوق.
مارۋپول جوعارى ستراتەگيالىق ماڭىزعا يە قالا. فوتو: Maps.Google.com
ەڭ قيىنى ايدان استام ۋاقىت قورشاۋدا جانە رەسەيدىڭ تىنىمسىز اتقىلاۋىنداعى قالا مەن قالانىڭ بەيبىت تۇرعىندارى اۋىر زارداپ شەكتى. ءبىر ءماريۋپولدىڭ وزىندە قازاق بولعان بەيبىت تۇرعىندار جالپى سوعىستاعى قازا بولعان بەيبىت تۇرعىندار سانىنىڭ باسىم كوبىن يەلەيدى.
ءماريۋپولدى قورعاعان تەڭىز جاياۋ اسكەرلەرىنىڭ 36-شى بريگاداسى سەكىلدى ۋكراينالىق اسكەري قوسىندار ايانباي ايقاستى، تاباندى شايقاستى. بىراق، تىنىمسىز جاۋعان وق پەن تولاسسىز سوققىدان اقىرى قورشاۋعا ءتۇستى. سەيسەنبىدە، ءبىر ءبولىم ۋكرايندىق ساربازدار قورشاۋدى بۇزىپ شىعۋعا قام قىلعان، الايدا 100 شاماسىنداعى بۇل ساربازداردىڭ جارتىسىنان كوبى ورىس ارتيللەرياسىنان، اۋە سوققىسىنان شەيت كەتىپ، 40-قا جۋىق سارباز جاۋ قولىنا ءتۇسىپ قالعان. قازىر ماريۋپولدە قورشاۋدا قالعان ساربازدارىندا ازىق-تۇلىك، سۋ جانە قارۋ-جاراق پەن وق-ءدىرى تاپشى ەكەنىن ۋكراينا قارۋلى كۇشتەرى دە راستادى.
وسىلايشا ۋكراينا ءۇشىن ماريۋپول كارتيناسى اۋر كۇيدە. رەسەي ءماريۋپولدى تولىق باسىپ السا، قازىرگە دەيىن قالانى الۋعا ۇيىمداستىرىلعان كۇشتەر دونباسس ايماعى ءۇشىن شايقاسقا قايتادان جۇمىلدىرىلادى دا، ايماقتاعى قوس تاراپتىڭ كۇش سالىستىرماسىنا دا اسەر تەپەك. دەگەنمەن، ءماريۋپولدى ۇستاپ تۇرۋ ءۇشىن دە رەسەي مول اسكەري قوسىندى قالدىرۋى مۇمكىن دەگەن كىسى سەندىرەرلىك بولجامدار بار.
بۇلارعا قوسا رەسەي قازىر حەرسونعا دا قوسىمشا كۇش جىبەرۋگە مۇددەلى، ۇيتەتىنى ۋكراينا كۇشتەرى ونداعى پوزيتسيالارىن قايتارىپ الۋ ءۇشىن ارەكەتىن جانداندىردى، ءارى وڭدى ناتيجەلەرگە قول جەتكىزىپ جاتىر. ال، كيەۆ بولسا ءماريۋپولدى قالايدا ساقتاۋدىڭ شارالارىن كورەتىن ءبىلدىردى. پرەزيدەنت زەلەنسكي ءتىپتى «ماريۋپول – سوعىستىڭ جۇرەگى» دەپ اتاپ، ونى قولدا ۇستاپ قالۋدىڭ ماڭىزدى ەكەنىن بىرنەشە رەت قايتالادى.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى