6 ءساۋىر ءال-فارابي اتىنداعى قازاق ۇلتتىق ۋنيۆەرسيتەتى، جۋرناليستيكا فاكۋلتەتىندە ءابىلفايىز ىدىرىسوۆ وقۋلارىنا ارنالعان  «تسيفرلاندىرۋ جاعدايىنداعى باسپا ءىسى مەن ديزايننىڭ وزەكتى ماسەلەلەرى» اتتى كونفەرەنتسيا ءوتتى.

بۇل ءىس-شاراعا ءابىلفايىز ىدىرىسوۆپەن بىرگە قىزمەت ەتكەن كاسىپتەستەرى، شاكىرتتەرى جانە قىزى شاقىرىلدى.

كونفەرەنتسيانى فاكۋلتەت دەكانى ماديەۆ سانزىزباي ءسوز سويلەپ، ء“ال-فارابي فورۋمىنىڭ اياسىندا ءوتىپ وتىرعان ءابىلفايىز ىدىرىسوۆ وقۋلارىن” اشتى. “بۇگىنگى كونفەرەنتسيانىڭ نەگىزگى ماقساتى، ءابىلفايىز ىدىرىسوۆ ەڭبەكتەرىنە تالداۋ جاساي كەلە، وتكەن بايقاۋدىڭ قورىتىندىسىن جاريالاۋ” دەدى.

دەكان العاشتى ءسوزدى فيلولوگيا عىلىمدارىنىڭ دوكتورى، پروفەسسور نامازالى وماشۇلىنا بەردى. ول كىسى ءابىلفايىز ىدىرىسوۆ قانداي ۇستاز بولعاندىعى جايلى، جۋناليستيكا سالاسىنا سىڭىرگەن ەڭبەكتەرى تۋرالى وي ءبولىستى.

پروفەسسور كاكەن حامزين ىدىرىسوۆ تۋرالى ەستەلىكتەرىمەن قاتار، قازىرگى كەزدە جۋرناليستيكادا كەزدەسەتىن وزەكتى ماسەلەلەر، پروبلەممالار تۋرالى دا ايتىپ ءوتتى.

وسىدان كەيىن ءابىلفايىز ىدىرىسوۆ اتىنا وتكەن بايقاۋدىڭ ناتيجەسى جاريالانىپ، ورىن العان ستۋدەنتتەر ماراپاتتالدى. ستۋدەنتتەر العىس حاتپەن قاتار ەرلان ءابىلفايىزۇلى ءبولىپ وتىرعان شاكىرتاقىعا يە بولدى. جالپى بايقاۋعا 17 جۇمىس ۇسىنىلىپ، ونىڭ 10 جۇمىسىنا  كومميسسيا مۇشەلەرىنىڭ شەشىمى بويىنشا ورىن بەرىلدى. سونىڭ ىشىندە عىلىمي-جۇمىستارىمەن كوزگە تۇسكەن ەراسىل، ايزادا، جىبەك، ارۋجان ەسىمدى ستۋدەنتتەرگە ەرەكشە العىس ايتىلدى.

ءارى قاراي دانداي ىسقاق، مايرا جانۇزاقوۆا، ساعاتبەك مەدەۋبەكۇلى، ەرماحان ءابدىراحمان سىندى ۇلاعاتتى ۇستازدار مەن قۇرمەتتى قوناقتار ءسوز بەلگىلى جۋرناليست، جازۋشى، بىلگىر باسپاگەر تۋرالى ەستەلىكتەرمەن بىرگە بۇگىنگى باسپا ىسىنە دە توقتالدى. سوڭعى ءسوزدى ءابىلفايىز ىدىرىسوۆتىڭ قىزى قۇرالاي ابىلفايىزقىزى سويلەدى. فاكۋلتەت ۇجىمىنا، بايقاۋعا قاتىسقان ستۋدەنتتەرگە ءوز العىسىن ءبىلدىردى.

الماتى قالاسى.

گۇلنۇر اليمجانوۆا