كيەۆ بۋچادا سوعىس قىلمىسى بولعانىن دالەلدەيتىن ءتىرى كۋاگەرلەردىڭ بار ەكەنىن ايتادى. فوتو: ESP.md

ۋكراينا پرەزيدەنتى ۆلاديمير زەلەنسكي بۋچا قالاسىنداعى ساپارىنان كەيىن مالىمدەمە رەسەيدى سوعىس قىلمىسىن جاسادى دەپ ايىپتاۋعا دالەلدەرىنىڭ بار ەكەنىن  ايتتى. ونىڭ ايتۋىنشا رەسەي اسكەرلەرى جاعىنان ازاپتالعان ءتىرى كۋاگەرلەر دە بار.

زەلەنسكي سوزىندە رەسەي تانكتەرىنىڭ بولات تابانىنا تاپتالعان ازاماتتىق كولىكتەردىڭ كوپ ەكەنىن، قازىرگە رەسەيدىڭ بۋچا قالاسىندا گەنوتسيد جاساعانىن تولىق دالەلدەۋگە جەتكىلىكسىز بولعانىمەن رەسەيلىك اسكەرلەر جاعىنان ازاپ كورگەن ءتىرى كۋاگەرلەردىڭ بار ەكەنىن العا تارتتى.

ۋكراينا پرەزيدەنت بۋچا ساپارىنان كەيىن كورشىلەس ەۋروپالىق ەلدەردىڭ ۇكىمەتتەرىنە قاراتا مالىمدەمەلەر جاساپ، رەسەيدىڭ اگرەسسيالىق ارەكەتى ۋكراينامەن شەكتەلمەيتىنىن، مولدوۆانىڭ، ءتىپتى تۇتاس دۋناي ايماعىنىڭ قاۋىپسىزدىگى باستى قاتەردە تۇرعانىن ەسكەرتتى.

ۆارشاۆادا بريتان ءسىم باسشىسىمەن كەزدەسكەن ۋكراينا سىرتقى ىستەر ءمينيسترى كۋلەبا بۋچاداعى جاعدايدى «ايسبەرگتىڭ تەك سۋ بەتىنە شىققان جەرى عانان» دەپ سۋرەتتەدى. ونىڭ ايتۋىنشا ماريۋپولدە جاعداي بۇدان دا اۋىر بولۋى مۇمكىن ەكەنىن ايتقان.

ال بۇلارمەن ءبىر ۋاقىتتا مالىمدەمە جاساعان رەسەي ءسىم جەتەكشىسى سەرگەي لاۆروۆ كيەۆتىڭ ايىپتاۋىن جوققا شىعاردى. ول اراب ليگاسىنىڭ ۋكراينا ءىسى بويىنشا وكىلدەرىمەن كەزدەسۋدە بۋچا بويىنشا جالعان مالىمەتتەر تاراپ جاتقانىن، ونى انىقتاپ شىعاتىندارىن ايتقان.

ايتا كەتەيىك، بۋچا ماسەلەسى بويىنشا باتىس ەلدەرىنىڭ رەسەيدى ايىپتاۋى تاعى ءبىر ەسە كۇشەيدى جانە بۇعان ىلەسە جاڭا سانكتسيالار دا سالىنباق.