ۋكرايناعا شابۋىل جاساعاننان كەيىن الەمنىڭ بىرقاتار ەلى رەسەيگە قارسى سانكتسيالاردى كۇشەيتە ءتۇستى. كەشە، اقش، ەۋروپا وداعى جانە باريتانيا رەسەي پرەزيدەنتى ۆلاديمير پۋتين مەن ءسىم باسشىسى سەرگەي لاۆروۆتىڭ اكتيۆتەرىن بۇعاتتايتىنىن مالىمدەدى.
بۇنداي شەكتەۋدى كەشە، 25 اقپان كۇنى اقش قارجى مينيسترلىگى جاريا ەتتى. وسىدان بۇرىن بۇل ۆەدومستۆو رەسەي باسشىلارىنا قاتىستى شەكتەۋدى بريۋسسەلدە ەۋرووداقپەن كەلىسىمگە كەلگەن بولاتىن.
ونىمەن ءبىر ۋاقىتتا بريتانيا ۇكىمەتى دە ۇقساس شەشىم قابىلدادى. بۇل شەشىمدى جاريالاعاننان كەيىن بريتان سىرتقى ىستەر ءمينيسترى ليز تراسس تۆيتتەردە: «ۋكراينانىڭ ەگەمەندىگى قالپىنا كەلتىرىلمەيىنشە، كرەملگە ەكونوميكالىق ازاپ بەرۋدى توقتاتپايمىز»، – دەپ جازدى.
ال، بۇل شەشىمدەردەن كەيىن رەسەي سىرتقى ىستەر مينيسترلىگىنىڭ رەسمي وكىلى ماريا زاحاروۆانىڭ «پۋتين مەن لاۆروۆقا سالىنعان سانكتسيالار باتىستىڭ سىرتقى ساياساتتاعى «ءابسوليۋتتى دارمەنسىزدىگىن» كورسەتەدى» دەگەن مالىمدەمەسىن دەپ مالىمدەدى ريا نوۆوستي حابارلادى.
ادەتتە ءبىر ەل ليدەرىنە جەكە سانكتسيا سالۋ سيرەك ۇشىرايتىن شارا. بۇعان دەيىن باتىس ەلدەرى جاعىنان بەلارۋس پرەزيدەنتى مەن سيريا پرەزيدەنتى عانا سانكتسيا تىزىمىندە بولاتىن.
ايتا كەتەيىك، ەو-نىڭ پۋتين مەن لاۆروۆقا سالعان سانكتسيالارى رەسەيلىك بانكتەرگە، مۇناي وڭدەۋ زاۋىتتارىنا جانە قورعانىس ونەركاسىبىنە باعىتتالعان اۋقىمىدى ءارى جويقىن سانكتسيالار پاكەتىنىڭ ءبىر بولىگى عانا.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى