رەسەي پرەزيدەنتى مەن ۆەنگريا پرەمەرى ماسكەۋدە كەزدەستى. فوتو،: رەيتەر. Russian President Vladimir Putin speaks during a news conference following talks with Hungarian Prime Minister Viktor Orban in Moscow, Russia February 1, 2022. Yuri Kochetkov/Pool via REUTERS

قالىپتاسقان اۋقىمدى گەوساياسي داعدارىسقا قاتىستى كوپتەن بەرى پىكىر بىلدىرمەگەن رەسەي پرەزيدەنتى ۆلاديمير پۋتين اقش رەسەيدى سوعىسقا يتەرمەلەپ جاتىر دەگەن ماعىنادا مالىمدەمە جاسادى. ونىڭ ايتۋىنشا، ۋاشينگتون رەسەيگە كوبىرەك سانكتسيا سالۋ ءۇشىن تاراپتاردىڭ قايشىلىعىن پايدالانىپ وتىر.  

پرەزيدەنت پۋتين ۆەنگريا پرەمەر-ءمينيسترى ۆيكتور وربانمەن ماسكەۋدەگى كەزدەسۋى كەزىندە: «اقش ۋركينانىڭ قاۋىپسىزدىگى ءۇشىن ونشالىقتى الاڭداپ جاتپاعانى كورىنەدى... اقش-تىڭ باستى ماقساتى رەسەيدىڭ دامۋىن توقتاتۋ، بۇل ءۇشىن ۋكراينانى قۇرال قاتارىندا قولدانعىسى كەلەدى»، – دەگەن پىكىرىن ورتاعا سالعان.

وسىمەن قاتار ۋكرايناعا ساپارلاي بارعان بريتانيانىڭ باس ءۋازىرى (پرەمەر-ءمينيسترى) بوريس جونسون: «رەسەي ۋراينانىڭ باسىنا مىلتىق كەزەپ تۇر»، – دەپ سالدى. ول سونداي-اق، رەسەي قول سالاتىن بولسا ۋكراينا ارمياسى قارسى تۇرۋعا دايىن ەكەنىن دە ايتىپ وتكەن. «رەسەي قايشىلىقتى رەتكە كەلتىرىپ، ديالوگقا كەلەدى دەپ ۇمىتتەنەمىن»، – دەپ قوسىمشالايدى جونسون.

بۇل ساپارىندا اعىلشىن پرەمەرى جونسون بريتانيانىڭ ۋكراينا قارۋلى كۇشتەرىن قولداۋ ماقساتىندا 119 ملن اقش دوللارى كومەك بەرەتىنىن دە مالىمدەدى.

ۋكراينا پرەزيدەنتى زەلەنسكي بولسا رەسەي ۋكرايناعا سوعىس اشاتىن بولسا بۇل سوعىس تەك رەسەي-ۋكراينا اراسىنداعى عانا ەمەس، رەسەي مەن ەۋروپا اراسىنداعى سوعىس بولاتىنىن ەسكەرتتى. بۇعان قوسا ول باتىستى رەسەي سوعىس اشسىن-اشپاسىن قاتاڭ سانكتسيالار سالۋعا شاقىردى.

كرەمل باسشىسىنىڭ سوزىنە سەنسەك، قۇراما شتاتتار رەسەيدىڭ ەۋروپاداعى ناتو ارەكەتتەرىنە قاتىستى الاڭداۋشىلىعىنا كوڭىل اۋدارىپ وتىرعان جوق. بۇعان دەيىنگى كەلىسسوزدەردە ماسكەۋ تارابىنىڭ پوستكەڭەستىك ەلدەردىڭ ناتو-عا قوسىلماۋى، ۇيىمنىڭ شىعىسقا جىلجىماۋى سەكىلدى تالاپتارى كەرى قايتارىلعان ەدى.

رەسەي باسشىلارى ۋكرايناعا قارسى سوعىس اشۋ جوسپارىمىز جوق دەگەنىمەن، شەكارا ماڭىنداعى 100 مىڭنان استام اسكەرى مەن اۋىر اسكەري تەحنيكالارىن كەرى قايتارماي وتىر. كەلەر اپتادا گەرمانيادا تاراپتار شەشۋشى كەلىسسوز وتىرىسىن وتكىزەدى. سوعىستىڭ بولاتىن-بولمايتىنى وسى كەلىسسوز وتىرىسىنا قاتىستى دەگەن پىكىرلەردە شىعىپ جاتىر. قازىر تاراپتاردىڭ ۇستانىمىنداعى قايشىلىق داعدارىس پەن سوعىستىڭ بىلتەسى بولىپ تۇر دەۋگە بولادى.

The Qazaq Times