جىلدام تارالاتىن جاڭا شتام الاڭداتىپ وتىر. فوتو: زۆەزدا

ءبىر كۇن بۇرىن دۇنيەجۇزىلىك دەنساۋلىق ساقتاۋ ۇيىمى (ددسۇ) كوروناۆيرۋستىڭ جاڭا شتامى «وميكروننىڭ» تارالۋىنا قاتىستى جاڭا مالىمدەمە جاساپ، كوپتەگەن ەلدەردە ۆيرۋس جۇقتىرعاندار سانى رەكوردتىق كورسەتكىشگە جەتۋى مۇمكىن ەكەنىن ايتتى.

ەۋروپا جاڭا جىلعا قارسى شەكتەۋ شارالارىن كۇشەيتىپ جاتىر. قىتاي ءوزىنىڭ وسىعان دەيىن قولدانىپ كەلگەن قاتاڭ كارانتيندىك شارتتارىن قايتا ەنگىزدى. كەيبىر قالالارى تولىقتاي كارانتينگە جابىلدى. سولتۇستىك جانە لاتىن امەريكاسىنداعى ۇكىمەتتەر ازاماتتارىنا دابىل قاعىپ، «وميكروننىڭ» تارالۋىنان ساق  بولۋدى ەسكەرتىپ جاتىر.

ددسۇ مالىمدەمەسىندە ايتىلعانداي، قازىرگە دەيىنگى الەم ەلدەرىندەگى پاندەمياعا قارسى كۇرەس تاجىريبەلەرى ءبىرشاما جالپىلاسىپ قالعاندىقتان، «وميكرون» شتامىنىڭ قاۋپى تومەن بولۋى مۇمكىن. الايدا، كوپتەگەن ەلدىڭ دەنساۋلىق ساقتاۋ جۇيەسىنە اۋىر سالماق تۇسىرەدى دەپ ەسكەرتتى. جىلدام تارالاتىن بۇل ۆيرۋس قازىرگە دەيىن الەمنىڭ جۇزگە جۋىق ەلىنەن تابىلدى.