اق ءۇي تارابى سارسەنبى كۇنگى ءباسپاسوز ماجىلىسىندە، «كارل ۆينسون» اۆياماتكاسىنىڭ قوزعالىس باعىتى تۋرالى الجاسۋلار مەن وزدەرىنە قاراتقان ايىپ-سىنداردى ەلەمەيتىندىكتەرىن ايتتى. ۇشاق تاسىمالداۋشى الىپ كەمەنىڭ باعىتى وزىمەن وداقتاس ەلدەردى الجاستىرۋ ماقساتىندا وزگەرتىلمەگەنىن ايتادى. وسىدان بۇرىن «كارل ۆينسون» اۆياماتكاسىنىڭ قوزعالىس باعىتى تۋرالى الەمدە جانە اقش ءوز ىشىندە دە شاتاسۋلار تۋىلعان بولاتىن.
اق ءۇيدىڭ رەسمي وكىلى شون سپايسەر سارسەنبى كۇنى جاساعان مالىمدەمەسىندە: «اق ءۇي جوعارى لاۋازىمدىلارىنىڭ «كارل ۆينسون» اۆياماتكاسىنىڭ ورنى تۋرالى بەرگەن تۇسىنىكتەمەسى جۇرتتى شاتاستىرۋ ماقساتىندا بولماعان. تەك ولار اۆياماتكانىڭ اتالعان ورىنعا جەتۋگە كەتەتىن ۋاقىت تۋرالى ەسكەرمەگەن. اقش پرەزيدەنتى وسى اۋىر اسكەري تەحنيكانىڭ كورەي تۇبەگىنە بارا جاتىر دەگەن بولاتىن. بۇل شىندىق ەدى، اۆياماتكا اتالعان باعىتقا جول العان نەمەسە بارا جاتىر – مۇنداي قانداي قاتەلىك بار؟!»، – دەدى.
اق ءۇي جوعارى لاۋازىمدىسى 9 ساۋىردە «كارل ۆينسون» كورەي تۇبەگىنە اتتاندى» دەگەنى انىق. سەبەبى، ول كەزدە كورەي تۇبەگى شيەلەنىسى ەڭ قاۋىپتى دەڭگەيدە تۇردى جانە سولتۇستىك كورەيا يادرولىق سىناق جاساۋ الدىندا دەپ كۇتىلگەن ەدى. الايدا، 10 كۇننەن كەيىن اقش قورعانىس كۇشتەرى اتالعان ۇشاق تاسىمالداۋشى الىپ كەمەنىڭ باعىتىن وزگەرتكەنىن جاريالاعان ەدى.
The Qazaq Times
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى