جۋىردا اتىشۋلى «13-ءتىڭ سوتى» بويىنشا بەس جىلعا قاماۋ جازاسىنا كەسىلگەن، قۇقىق قورعاۋشىلار «ساياسي تۇتقىن» دەپ تانىعان ازاماتتىق بەلسەندى قايرات قىلىشەۆتىڭ ەكى بۇيرەگى سۋىقتاپ، تۇرمەنىڭ مەديتسينالىق بولىمىنە جاتقىزىلعانى حابارلاندى.
بۇل تۋرالى بەلگىلى قۇقىق قورعاۋشى باقىتجان تورەعوجينا Facebook جەلىسىندەگى پاراقشاسىنا 20 قازاندا جاريالاعان جازباسىندا جازدى.
«سي-18 مەكەمەسى سۋىق بولعاندىقتان بۇگىن (20 قازان) قايرات قىلىشەۆتىڭ ەكى بۇيرەگىنەن پريستۋپ ۇستاپ، مەديتسينالىق بولىمگە جاتقىزىلدى. دەنساۋلىق ساقتاۋ مينيسترلىگى، قىلىشەۆ ءتيىستى ەم-شاراسىن الىپ جاتىر ما، اقپارات بەرۋدى سۇرايمىز؟» دەدى تورەعوجينا.
ازاتتىق راديوسىنىڭ جازۋىنشا, قايرات قىلىشەۆتىڭ ايەلى جانار سارىقۇلوۆا قۇقىق قورعاۋشىنىڭ جازباسىنان كەيىن سارسەنبى كەشكە قاراي كۇيەۋىمەن تەلەفون ارقىلى سويلەسكەن.
«كەشە قايراتقا باستىقتىڭ كابينەتىنەن حابارلاسقىزىپتى. «ءبارى جاقسى، ۋايىمداماڭدار» دەپ ايتسىن دەپ. «جاقسى قاراپ جاتىر» دەدى. ءدارى-دارمەكتەردىڭ اتىن جازىپ الدىم. ەندى سولاردى اپارامىن. اۋرۋى قاتتى اسقىنىپ كەتپەگەن سياقتى. قايرات بۇرىن بۇيرەك اۋرۋىنا شاعىمدانعان ەمەس. ءبىرىنشى رەت وسىنداي اۋرۋى جونىندە ايتىپ وتىر» دەگەن «ساياسي تۇتقىننىڭ» جولداسى ازاتتتىق تىلشىسىنە.
وسىعان دەيىن قدت جاقتاسى رەتىندە بيلىك رۇقسات ەتپەيتىن ساياسي ماندەگى نارازىلىق جيىندارعا قاتىسىپ جۇرگەن قايرات قىلىشەۆ بىلتىر تامىزدا قاماۋعا الىنىپ، بيىل قازان ايىنىڭ ورتاسىندا قىلمىستىق كودەكستىڭ 405-بابىنىڭ 1 جانە 2 بولىمدەرى بويىنشا («تىيىم سالىنعان ۇيىم ءىسىن ۇيىمداستىردى جانە ارالاستى») ايىپتالدى. ءوزى قاتارلى ءبىر كۇندە سوتتالعان 13 بەلسەندىنىڭ اراسىندا بەس جىل تۇرمە جازاسىن ارقالاعان ءتورت ادامنىڭ ءبىرى وسى – قىلىشەۆ. ول ايىپتاۋ اكتىسىمەن كەلىسپەيدى، ازاماتتىق ۇستانىمى ءۇشىن «بيلىكتىڭ تىقسىرۋ ماقساتىندا جاساعان ساياسي استارى بار ۇكىم» دەپ ەسەپتەيدى.
«جۇيەنىڭ قۇربانىنا اينالدىق» دەگەن ءتورت بەلسەندى (اسحات جەكسەباەۆ، نويان راحىمجانوۆ، قايرات قىلىشەۆ، اباي بەگىمبەتوۆ) جانە وسىعان ۇقساس ايىپپەن قىركۇيەكتە سوتتالعان ۇلاسبەك احمەتوۆ 18 قازاندا بۇۇ مەن ەۋروپارلامەنتكە اشىق حات جولداعان. «بەسەۋدىڭ حاتى» اتالعان بۇل وقيعا وتكەن عاسىرداعى كوممۋنيستىك ساياساتتىڭ وزبىرلىعىن ەسكە ءتۇسىردى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟