Көрнекі сурет. Фото: ТАСС / Fabian Sommer

Telegram мессенджерінің негізін қалаушы Павел Дуров Facebook және Instagram әлеуметтік желілері мен WhatsApp мессенджерінің істемей қалған кезде өз серверіне тіркелгендер қатары рекордтық мәнде миллиондап артқанын хабарлады.

«Telegram-ның күнде0лікті өсу қарқыны нормадан бірнеше есе асып кетті және бір күнде өзге  платформалардан 70 миллионнан астам «босқын қолданушыларды» қабылдадық», – деп жазды Павел Дуров өз арнасында.

Оның айтуынша, Солтүстік және оңтүстік Америкадағы пайдаланушылардың көбі мессенджерді қолдану кезінде желі қызметі баяулауы мүмкін. Дуров мұны бір мезетте көптеген қолданушының тіркелуімен байланыстырады. Ол «басқалар сияқты ыңғайсыз жағдайға қалдырмаймыз» деп жазды.

Facebook серверінің иесі Марк Цукерберг әлемдік көлемдегі ақаудың салдарынан акция құны құлдырап, шамамен 7 миллиард доллар қаржыдан айырылған.

4 қазанда Facebook сервистері кемінде алты сағатқа істен шыққан. Танымал желілердің жаһандық іркілісіне Facebook дата-орталықтары арасындағы желі трафигін үйлестіруге жауап беретін магистралды маршруттарды өзгерту кезінде техникалық ақау туып, конфигурациясы өзгеруі себеп болған.

The Qazaq Times