«تاليبان» اۋعانستاننىڭ تۇراقتى ارمياسىن قۇرماق

اۋعانستاندا ۋاقىتشا ۇكىمەت ارقىلى بيلىك ۇستاپ تۇرعان «تاليبان» مالىمدەمە تاراتىپ، جاقىن ارادا تۇراقتى قارۋلى كۇشتەردىڭ قۇرىلاتىنىن مالىمدەدى.

ۋاقىتشا ۇكىمەت قۇرامىندا باس شتاب توراعاسىنىڭ قىزمەتىن اتقارىپ تۇرعان كاري فاسيحۋددين رەسمي مالىمدەمە جاساپ، تالىپتەردىڭ تۇراقتى ارميا قۇرۋ تۋرالى جوسپارلارىمەن ءبولىستى. كابۋلدا وتكەن ءباسپاسوز جيىنىندا اۋعانستاننىڭ تۇراقتى قارۋلى كۇشتەرىن جاساقتاۋ جوسپارىنىڭ كوپ ۇزاماي جۇزەگە اسىرىلاتىنىن جەتكىزگەن.

بۇنىمەن قوسا فاسيحۋددين ەلدە ەتنيكالىق بولىنىسكە باستاعان جانە قارسىلىققا وتكەن كۇشتەرگە قارسى قاتاڭ سوققى بەرىلەتىنىن ايتقان. اتىن اتاپ، ءتۇسىن تۇستەمەسە دە بۇل ارادا فاسيحۋددين پانجشەر شاتقالىنداعى «ۇلتتىق قارسىلىق شەبىن» مەڭزەپ وتىرعانى بەلگىلى.

تالىپتەر بۇدان ون كۇن بۇرىن پانجشەردى ءوز باقىلاۋىمىزعا الدىق دەپ مالىمدەگەن. الايدا، ودان كەيىن دە «ۇلتتىق قارسىلىق شەبى» قارۋلى كۇشتەرى تالىپتەرمەن شايقاستى. تاراپتار ءبىر-بىرىنە قاراما-قايشى دا مالىمدەمە جاساپ جاتقان بولاتىن.

The Qazaq Times