قىتاي اۋعانستانعا 31 ميلليون دوللار كولەمىندەگى العاشقى قارجىلىق جانە گۋمانيتارلىق كومەك بەرەتىنىن مالەمدەدى. بۇدان بۇرىن قىتاي ءسىم وكىلى بەيجىڭنىڭ «تاليبان» تارابىنان قۇرىلعان جاڭا ۇكىمەتپەن بايلانىس ورناتۋعا دايىن ەكەنىن مالىمدەگەن بولاتىن.

قىتاي سىرتقى ىستەر مينيسترلىگىنىڭ ءباسپاسوز وكىلى ۋاقىتشا ۇكىمەتتىڭ قۇرىلۋىن اۋعانستانداعى جاعدايدى تۇراقتاندىرۋ ءۇشىن اسا قاجەتتى قادام دەپ باعالاعان.

ال، اۋعانستانعا كومەك بەرۋ تۋرالى ەلدىڭ سىرتقى ىستەر ءمينيسرى ۋاڭ ي اۋعانستان جانە وعان كورشىلەس مەملەكەتتەردىڭ (پاكىستان، تاجىكستان، يران جانە وزبەكستان) سارسەنبى كۇنگى كەزدەسۋىندە مالىمدەگەن.

قىتايدىڭ اۋعانستانعا بەرەتىن العاشقى 200 ميلليون يۋان كومەك قاراجاتى ازىق-تۇلىك پەن كوروناۆيرۋسقا قارسى ۆاكتسينانى دا قامتيدى.

قۇراما شتاتتاردىڭ پرەزيدەنتى جو بايدەن ءبىر كۇن بۇرىن تالىپتەر قۇرعان ۋاقىتشا ۇكىمەتتى «تانۋعا اسىقپايتىنىن» مالىمدەگەن ەدى.

The Qazaq Times