Қытай Ауғанстанға 31 миллион доллар көлеміндегі алғашқы қаржылық және гуманитарлық көмек беретінін мәлемдеді. Бұдан бұрын Қытай СІМ өкілі Бейжіңнің «Талибан» тарабынан құрылған жаңа үкіметпен байланыс орнатуға дайын екенін мәлімдеген болатын.

Қытай Сыртқы істер министрлігінің баспасөз өкілі уақытша үкіметтің құрылуын Ауғанстандағы жағдайды тұрақтандыру үшін аса қажетті қадам деп бағалаған.

Ал, Ауғанстанға көмек беру туралы елдің сыртқы істер минисрі Уаң И Ауғанстан және оған көршілес мемлекеттердің (Пәкістан, Тәжікстан, Иран және Өзбекстан) сәрсенбі күнгі кездесуінде мәлімдеген.

Қытайдың Ауғанстанға беретін алғашқы 200 миллион юань көмек қаражаты азық-түлік пен коронавирусқа қарсы вакцинаны да қамтиды.

Құрама Штаттардың президенті Жо Байден бір күн бұрын тәліптер құрған уақытша үкіметті «тануға асықпайтынын» мәлімдеген еді.

The Qazaq Times