تايۋان قىتاي ۇشاقتارىنا ەسكەرتۋ ءۇشىن شابۋىلشى يستەربيتەلدەرىن جىبەرگەن. فوتو: VOA

قىتايدىڭ 19 اسكەري ۇشاعى تايۋاننىڭ (تايۆان) اۋە قورعانىس كەڭىستىگىنە كىرگەن. بۇل تۋرالى تايۋان بيلىگى رەسمي مالىمدەمە جاسادى.

تايۋان قورانىس مينيسترلىگىنىڭ مالىمدەمەسىنە قاراعاندا، قىتاي حالىق-ازاتتىق ارمياسىنىڭ اۋە كۇشتەرىنە تيەسىلى سوعىس ۇشاقتارى مەن يادرولىق قارۋ تاسىمالداۋشى ۇشاقتارىن قامتىعان 19 اسكەري ۇشاق تايۋان اۋە قورعانىس كەڭىستىگىنە كىرگەن.

رەسمي مالىمەتتە ايتىلۋىنشا، جەكسەنبى كۇنى اۋە قورعانىس كەڭىستىگىنە كىرگەن قىتايلىق ۇشاقتار اراسىندا يادرولىق قارۋ تاسىمالدايتىن 4 بىردەي H-6 بومبالاۋشى ۇشاعى دا بولعان.

تايۋان اۋە قورعانىس كۇشتەرى قىتاي ۇشاقتارىنا ەسكەرتۋ جاساۋ ءۇشىن زىمىران قوسالقىسى بار ۇشاقتارى مەن شابۋىلشى يستەربيتەلدەر جىبەرگەن.

بۇل وقريعا بويىنشا بەيجىڭ تارابى ەشقانداي مالىمەت بەرمەگەن. قىتاي ۇكىمەتى تايۋان تارابىنان قانداي دا ءبىر وزدەرىنە جاعىمسىز مالىمدەمەلەر مەن ارەكەتتەر بولعان كەزدە اۋە كۇشتەرى ارقىلى قىسىم جاساۋدى كوپ ۋاقىتتان بەرى قايتالاپ كەلەدى.

ءبىر جىلدان اسا ۋاقىتتان بەرى تايبەي بيلىگى قىتايدىڭ اسكەري ۇشاقتارىنىڭ ەل كەڭىستىگىنە كىرۋى بويىنشا شاعىمدانىپ كەلگەن بولاتىن. بەيجىڭ تايۋاندا قحر قۇرامىنداعى پروۆينتسيا دەپ سانايتىن بولسا، تايبەي ءوزىن دەربەس مەملەكەت دەپ سانايدى.

The Qazaq Times