قىزىلوردا وبلىسى ارال قالاسىنىڭ شەتىندەگى "ارالتۇز" اكتسيونەرىك قوعامىنا قاراستى تۇز زاۋىتىنىڭ مىڭنان اسا جۇمىسشىسى جۇمىسىن توقتاتتى. بۇل تۋرالى ازاتتىق راديوسى حابارلادى.
باسلىمنىڭ جازۋىنشا، يودتالعان اس تۇزىن وندىرەتىن كاسىپورىن الدىنا 1 قىركۇيەكتەن باستاپ جينالعان جۇمىسشىلار جالاقىنى كوبەيتۋدى سۇرايدى. ولار "ارالتۇز" اكتسيونەرلىك قوعامى 2014 جىلدان بەرى جۇمىسشىلار جالاقىسىن كوبەيتپەگەنىن، قازىرگى جالاقىلارى 48 مىڭ تەڭگە ەكەنىن ايتادى. ارال ءوڭىرىنىڭ ەكولوگيالىق اپات ايماعى بولىپ سانالۋىنا بايلانىستى جالاقىلارىنا 50 پايىز كوەفيتسيەنت قوسىلادى.
تۇز زاۋىتى جۇمىسشىلارىنىڭ ءبىرى باۋىرجان سارسەنبەكوۆتىڭ سوزىنشە، جالاقىنى كوبەيتۋ جونىندە زاۋىت باسشىلىعىنا ءبىر اي بۇرىن جازباشا دا تالاپ قويىلعان.
"ارالتۇز" اكتسيونەرلىك قوعامى تۇز ءوندىرۋ جانە قايتا وڭدەۋ سالاسىنداعى ءىرى كاسىپورىن. كومپانيا مالىمەتتەرىنە قاراعاندا، جىلىنا 450 مىڭ تونناعا جۋىق تۇز ءوندىرىپ، ونىڭ 75 پايىزىن رەسەي، قىرعىزستان، وزبەكستان، ۋكرايناعا ەكسپورتتايدى. 1200-دەن اسا قىزمەتكەرى بار.
كومپانيا سايتىنداعى مالىمەتتەردە "2021 جىلدىڭ 1 ناۋرىزىنان باستاپ زاۋىت جۇمىسشىلارىنىڭ جالاقاسى ورتا ەسەپپەن 10 پايىزعا كوبەيەدى" دەپ كورسەتىلگەن.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
Oyan, Qazaqstan قوزعالىسىنىڭ تاعى ءبىر بەلسەندىسىن پوليتسيا بولىمىنە شاقىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
ەكس-مينيستر ايەلىن ساباپ ءولتىردى دەگەن كۇدىكپەن ۇستالدى