كەشە، 1 قىركۇيەكتە The Village Kazakhstan باسىلىمىنا تۇركىستان وبلىسىنداعى اتىشۋلى بالا زورلاۋ وقيعاسى جايلى جۋرناليست اسەم جاپيشەۆانىڭ رەپورتاجى شىققان. سوعان بايلانىستى جۋرناليست پەن رەداكتسياعا بەلگىسىز بىرەۋلەر حابارلاسىپ، قوقان-لوققى كورسەتىپ جاتىر. بۇل تۋرالى باسىلىمنىڭ Telegram ارناسى حابارالادى.
ء"دال قازىر ءتۇرلى ۆەدومستۆو اتىنان بەلگىسىز ادامدار حابارلاسىپ، ماقالانى الىپ تاستاڭدار دەگەن تالاپ قويىپ جاتىر. تاۋەلسىز جۋرناليستەرگە قىسىم توقتاتىلسىن. ماقالانى المايمىز. بۇل ادامدار جۋرناليستەردىڭ اۋىزىن جاپقانشا ەلدەگى پروبلەمانى شەشسىن" دەلىنگەن Village Kazakhstan باسلىمىنىڭ Telegram حابارلاماسىندا.
اسەم جاپىشەۆا ءوزىنىڭ Facebook پاراقشاسىندا "ماقالا جاريالانعاننان كەيىن بەيتانىس بىرەۋلەر ءتۇرلى ۆەدومستۆونىڭ وكىلى بولىپ تەلەفون شالىپ، ماقالانى جويۋدى تالاپ ەتتى، قورقىتىپ-ۇركىتە باستادى" دەپ جازدى.
جاپىشەۆانىڭ رەپورتاجىندا تۇركىستان وبلىسى اباي اۋىلىنداعى بالا زورلاۋ وقيعاسىنىڭ قالاي بولعانى جانە قالاي تەرگەلگەنى جايلى باياندالادى. اۆتور زارداپ شەككەن بالانىڭ اجەسىمەن جانە وسى وقيعانى قوعامعا العاش جەتكىزگەن جۋرناليسپەن سۇحباتتاسقان.
اباي اۋىلىندا بالا زورلانعانى جايلى حابار 2018 جىلى ناۋرىز ايىندا تاراعان. بۇل وقيعا قوعامدا ۇلكەن شۋ تۋعىزىپ، ەلدىڭ سول كەزدەگى پرەزيدەنتى نۇرسۇلتان نازارباەۆتىڭ ءوزى ماسەلەگە ءۇن قوسقان ەدى.
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
ابزال ايدارحان: جوعارعى سوت قالاس نۇرپەيىسوۆتىڭ ىسىندەگى نەگىزگى قاتەلىكتەردى قارامادى
اينارا ايدارحان: جوعارعى سوت ايگەرىم تىلەۋجاننىڭ ءىسىن قارماي تاستادى
شىنقۋات بايجانوۆ: اۋەجاي ءىسىن كاساتسيالىق سوت قاراماي تاستادى. ءبىز اياعىنا دەيىن كۇرەسەمىز
رىسبەك سارسەنبايۇلى: ء"بىز جىندىلار ەلىندە تۇرامىز. بيلىك ءوز قىلمىسىن جاسىرۋ ءۇشىن قاراپايىم ازاماتتاردى سوتتادى"
"قىزىقتىڭ كوكەسى ەندى باستالدى. پروكۋرور دۋماننىڭ سوتىن جابىق وتكىزۋ ءۇشىن سوتتى دا شاتاستىرعان"