ۆاكتسينا الۋعا ىنتالى قازاقستاندىقتاردىڭ ءبىر بولىگى كوپتەن كۇتكەن امەريكالىق Pfizer ەكپەسى ۇكىمەت قاتەلىگىنىڭ كەسىرىنەن مەجەلى ۋاقىتىنان كەشىگىپ الداعى كۇزدە، قازان ايىندا جەتكىزىلمەك. بىراق شەتەلدىك ۇزدىك ەكپەنى جۇرتتىڭ بارلىعى بىردەي الا المايدى.
دەنساۋلىق ساقتاۋ ءمينيسترى الەكسەي تسوي سەيسەنبى كۇنى جاريالاعان مالىمدەمەسىندە دامىعان ەلدەر كوپتەپ قولدانىپ جاتقان پرەپارات قازاقستاندا بارلىعىنا قولجەتىمدى بولمايتىنىن حابارلادى.
«ۆاكتسينا باستاپقى كەزەڭدە قازان ايىندا بالالارعا سالىنادى. بىزدىڭشە، Pfizer تەك بالالار مەن جۇكتى ايەلدەرگە سالىنۋى كەرەك. سوندىقتان بۇل ۆاكتسيناعا قاراپ وتىرۋدىڭ ءمان جوق، قازىر بارىپ بار ۆاكتسينانى الا بەرگەن ءجون»، – دەدى تسوي.
سونداي-اق، مينيستر دۇنيەجۇزىلىك دەنساۋلىق ساقتاۋ ۇيىمى ماقۇلداعان تاعى ءبىر قىتاي ۆاكتسيناسى ءبىر اپتا ىشىندە قازاقستانعا جەتكىزىلەتىنىن حابارلادى.
بۇعان دەيىن توقاەۆ ۇكىمەتتىڭ مامىر ايىندا قابىلداپ الۋى ءتيىس Pfizer ەكپەسىن جەتكىزۋدە ۇدەدەن شىعا الماي، مۇمكىندىكتەن ايىرىلىپ قالعانىن سىناپ، جاۋاپتىلاردى جازالاۋعا تاپسىرما بەرگەن. دەگەنمەن دەنمين باسشىلىعى ۆەدومستۆو تاراپىنان كەمشىلىك بولماعانىن ايتادى. ءتورتىنشى توقساندا امەريكالىق ۆاكتسينانىڭ 2 ملن دوزاسى كەلەدى دەپ جوسپارلانعان. مينيسترلىك 12 جاستان اسقان جاسوسپىرىمدەر مەن جەتكىنشەكتەردى ۆاكتسيناتسيالاۋ تۋرالى باستاما كوتەرگەن. ەندى ونى Pfizer ەسەبىنەن ىسكە اسىرماق.
تالعار تراگەدياسى: قىزىلقايراتتاعى قىلمىسقا قاتىستى جەتى ءىس قوزعالدى
قىزىلورداداعى №60 مەكەمەدەن حات: قاماۋداعى دۋمان مۇحامەتكارىم قاۋىپسىزدىك سۇرايدى
تالعارداعى قاندى وقيعا: ءىىم-گە جولدانعان ساۋال جانە قوعام كۇتكەن جاۋاپ
تالعاردا تاعى دا قاندى وقيعا. پوليتسيانىڭ جاۋاپسىزدىعى ما، جۇيەلىك داعدارىس پا؟
قايرات قوجامجاروۆقا قاتىستى تەرگەۋ: نازارباەۆ ءداۋىرىنىڭ ىقپالدى شەنەۋنىگىنە كەزەك كەلدى
ORDA حابارى، اقوردا رەاكتسياسى جانە سادىقوۆ ءىسى: نە بولىپ جاتىر، نەنى بايقادىق؟